2 SAMUEL 17:16 - KITTA' MATANGKASA'

¹⁶ Nakanamo Husai, “Lintakko. Pabattuangi Daud sollanna tena na'bangngi ri tampa' pa'limbanganga ri binangaya ri parang lompoa. Musti akkaro-karoi a'limbang ri Binanga Yordan. Punna tena, laniancuruki siagang sikontu pasukanna.”

2 SAMUEL 17:16 ပူးပေါင်းရင်းမြစ်များ

2 SAMUEL 15:14

Nampa nakanamo Daud mae ri sikontu pagawena niaka ri Yerusalem, “Umba naniallei kalenta. Tena ruanna anne cara sollanta ta'lappasa' battu ri Absalom. Tenamo nasallo nabattu. Akkaro-karoko, gassingka akkulleki' niondang siagang nibeta, sa'genna nibuno kabusu' pandudu'na kotaya.”

2 SAMUEL 15:28

Lattayanga' ri ampi'na tampa'-tampa' pa'limbanganga ri binangaya ri parang lompoa sa'gengku anggappa kabara' battu ri kau ngaseng.”

2 SAMUEL 15:35

Imang Zadok siagang Abyatar nia' tongi anjoreng. Pauangi ke'nanga sikontu apa nulangngereka ri balla' kakaraenganga.

PAMMUJI 35:25

TeaKi' lappassangngi ke'nanga angkana ri pa'mai'na, “Sukkuru' maki', kale'ba'mi nipattaena nyawana. A'jarimi pattujunta!”

PAMMUJI 55:8

Iye', lanri'baka' bella sikali, na kuammantang ri parang luaraka.

PAMMUJI 56:2

Kamaseanga', o, Allata'ala, lanri nibundukia', tulusu' nijallakkanga' ri musu-musungku.

PAMMUJI 57:3

Akkioka' mae ri Allata'ala Kaminang Tinggia, mae ri Allata'ala angngallea tindakang untu' kalengku.

1 KORINTUS 15:54

Punna nisambeimo tubu akkullea mate siagang tubu tenaya nakkulle mate, siagang anne tubu battua ri lino nisambeimi siagang tubu battua ri suruga, anjo wattua nampami kajariang apa niaka tattulisi' lalang ri Kittaka angkanaya, “Le'ba'mi nipattaena kamateanga; nigappami ammetaya!”

2 KORINTUS 5:4

Lalang ammantanta ija lalang ri anne balla' battua ri lino, musti akkunrarengki' lanri battala'na tanggonganta. Teai lanri erotta ta'lappasa' battu ri tubu battuta ri anne linoa, passangalinna lanri erottamo ampakei anjo tubu battua ri suruga, sollanna akkulle nikoasai ri katallassang anne tubuta akkullea mate.

1 SAMUEL 20:38

Akkaro-karoko sike'de', teako takkajannakki!” Narappummi anjo anaka panaya nampa ammotere' mange ri karaenna.