2 SAMUEL 17:11 - KITTA' MATANGKASA'

¹¹ Lanri kammana anjo inakke kamma anne pappakaingakku: Pa'rappungangi sikontu tu Israel battu ri sikontu pa'rasangang, sa'genna rapang kassi' biring tamparang jaina. Nampa kalenta maju ampimpingi ke'nanga a'bundu'.

2 SAMUEL 17:11 ပူးပေါင်းရင်းမြစ်များ

PA'JARIANG 13:16

LaKusareko turungang sannaka jaina, sa'genna manna sitau tania' akkulle ambilangi siapa jaina ke'nanga. Antekamma takkullena taua ambilangi siapa jaina kassi'na buttaya, sangkamma tomminjo takkullena lanibilang siapa jaina turungannu sallang.

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

2 SAMUEL 12:28

Kamma-kamma anne, kuminasai nakipa'rappungang tantara tassesaya, nampa kipimping maju a'bundu' untu' angngallei anjo kotaya. Lanri kammana anjo tenamo nalanakana sallang taua angkana inakke angngallei anjo kotaya.”

2 SAMUEL 24:2

Nampa nakanamo Daud mae ri Yoab panglimana tantarana, “A'lampako siagang sikamma komandanna tantaranu mange ri sikontu suku Israel ri sikontu pa'rasanganga untu' ansuro bilangi panduduka. Erokka' angngassengi jaina ke'nanga.”

1 KARAENG-KARAENG 20:10

“Lanakiringi karaenna ikambe sanna' jaina tantara untu' angngancuruki kotanu, sa'genna manna limbu'bu'na anne kotanu akkulle tongi naangka' ke'nanga naporo limannaji bawang nabonei. Assumpai angkanaya poro nihukkungi ri rewata-rewataya, ba'lalo manna pole nibunoi, punna tena nanagaukang anjo kammaya!”

1 KARAENG-KARAENG 4:20

Ra'ya' Yehuda siagang ra'ya' Israel sanrapangi kassika ri biring tamparang jaina. Anggannaki ke'nanga ri kanre siagang ri inungang kammayatompa sannangi katallassanna ke'nanga.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

YOSUA 11:4

Na battu ngasemmo anjo sikammaya karaeng siagang massing tantarana ke'nanga ia sannaka jaina rapang kassika ri biring tamparanga. Manna jaranna siagang kareta pa'bundukanna ke'nanga sanna todong jaina.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.

1 SAMUEL 13:5

Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.

1 SAMUEL 3:20

Iaminjo saba'na na sikontu umma' Israel battua ri sikontu anjo pa'rasanganga namangakuimi angkanaya anjo Samuel na'biNa Batara. Kere-kere wattu na'bicara Samuel, sikontu bansa Israel mappilangngeri ngasengi. Tuli Napappicikikang iji KalenNa Batara ri Silo, ri tampa' uru NapappicinikanNa KalenNa mae ri Samuel Na'bicara siagang ia.