2 SAMUEL 17:10 - KITTA' MATANGKASA'

¹⁰ Jari manna pole tau kaminang barania siagang kaminang porea rapang singa la'jari malla' kabusu'mi. Nasaba' sikontu tu Israel naassengi angkanaya anjo manggeta sitau pahlawang, siagang anjo ana' buana sangnging pajuang gammara' na barani.

2 SAMUEL 17:10 ပူးပေါင်းရင်းမြစ်များ

PA'JARIANG 49:9

Yehuda sanrapangi singa rungka; punna le'baki ammuno, ammotereki mange ri ru'munna; anggilingi nampa attinro manna sitau tania' barani mange anronrongi.

2 SAMUEL 1:23

Saul siagang Yonatan, kamma sombere'na siagang nikamaseangi; tuli akkana se're lalang tallasa'na siagang lalang matena; la'bi lintaki na jangang-jangang garuda, la'bi gassingi na singa rungkaya.

2 SAMUEL 17:9

Manna kamma-kamma anne kapang niaki accokko lalang ri se'reang leang yareka ri tampa' maraenga. Jari ebara' angkana nimajui ana' buata ri Daud, na nia' mate, manna pole inai allangngereki anjo kabaraka ma'nassa lanakanamo nibetami ana' buana Absalom.

2 SAMUEL 23:20

Nia' sitau maraengannaya masahoro' iamintu Benaya ana'na Yoyada tu Kabzeel. Ia sanna' baranina. Nia' rua pahlawang lompo battu ri Moab le'ba' nabuno. Le'baki ri se'reang allo ri wattu naunna bosi kammaya es batu, nantama' ri se'reang kali'bong nampa ammuno sikayu singa lalang.

PAMMUJI 89:19

Saba' tuma'jagana ikambe iamintu tunipileTa, o, Batara; karaenna ikambe iamintu Allata'ala Matangkasa'na Israel pata.

KALAPPASSANG 15:15

Annekkere'mi tu baranina Moab, ca'dimi pa'mai'na tu Kanaan.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

KELONG MALA'BIRI' 3:7

Ciniki, anjo bulekanna Salomo, nikulilingi ri annampulo tau gammara', tau gammara'na Israel,

YESAYA 13:7

Tunggala' taua lanakasiaki mate limanna siagang tappela' kabaranianna.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

YEHEZKIEL 21:15

Napa'jari bansaKu tappela' kabaranianna siagang tu'guru' tatto'ro. Kuancangi kotana ke'nanga siagang anjo pa'danga, accillaka sangkamma kila', siagang sadiaya untu' ammuno.

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

IBRANI 11:34

nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

1 SAMUEL 16:18

Nalangngere'na anjo, nia'mo kalase'renna atanna angkana, “Isai pandudu'na Betlehem, nia' sitau ana'na bura'ne cara'de' akkarena musi'. Ia tubarani, siagang se're tantara baji'. Nampa pole gammaraki nacara'de' a'bicara, siagang tuli nitulungi ri Batara.”

1 SAMUEL 18:17

Nausahakammi Saul sollanna akkulle nibuno ri tu Filistin lalang ri pa'bundukanga, sollanna teai kalenna ambunoi. Jari ri se'reang allo nakanamo Saul ri Daud, “Merab ana' tulolongku kaminang toaya lakupasiallei siagang ikau, assala' nupappicinikang kabaraniannu lalang ri pa'bundukanga untu' Batara.”