2 SAMUEL 16:7 - KITTA' MATANGKASA'

⁷ Nitunrami ri Simei angkana, “A'lampako! A'lampako! Pabuno tau! Tau ja'dala'!

2 SAMUEL 16:7 ပူးပေါင်းရင်းမြစ်များ

2 SAMUEL 12:9

Angngapa natena nujampangi parenta-parentaKu? Angngapa nanugaukang anjo kaja'dallang kammaya? Nusuro bunoi Uria lalang pa'bundukang; nulappassangi nibuno ri tu Amon, siagang nualleangi bainenna!

2 SAMUEL 16:6

Nasambilaimi batu Simei anjo Daud siagang pagawe-pagawena, manna pole nanitammulili Daud ri ana' buana siagang sikamma perwira tantarana.

2 SAMUEL 19:21

Nalangngere'na anjo kana kammaya nakanamo Abisai ana'na Zeruya, “Siratammi nihukkung mate Simei lanri le'baki natunrai karaeng le'baka Napilei Batara.”

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

2 SAMUEL 3:37

Anjo alloa sikontu ra'ya'na Daud siagang sikontu bansa Israel napahangi angkanaya tena nakellai karaenga nibuno Abner.

1 KARAENG-KARAENG 21:10

Suroi rua tau ja'dala' andallekangi siagang natudui angkanaya le'baki natunrai Allata'ala siagang karaenga. Nampa erangi assulu' ri pantaranganna kotaya, siagang sambilai batu sa'genna mate!”

1 KARAENG-KARAENG 21:13

Nia'mo rua pajaba' ammempo assidallekang siagang Nabot. Na ri dallekanna tujaia nitudumi angkanaya natunrai Allata'ala siagang karaenga. Lanri kammana anjo nierammi assulu' ri pantaranganna kotaya nampa nisambila batu sa'genna mate.

PAMMUJI 3:2

O, Batara, tamaka jaina musungku, sanna' jaina ambakkaia'!

PAMMUJI 5:6

TaKitahangngai anciniki tau tampoa, Kikabirisi tau ma'gau' ja'dalaka.

PAMMUJI 51:14

Kipa'jari rannua' pole lanri kasalamakkang battua ri Katte, sarea' ati rella untu' mannuruki ri Katte.

PAMMUJI 55:3

Kiparhatikanga' siagang kipialia', ancuruka' lanri kasusaangku.

PAMMUJI 55:4

Lussaki pa'maikku lanri pa'garatta'na musua siagang panjallakkanna tau ja'dalaka. Saba' nasusai ke'nanga tallasakku, siagang larroi ke'nanga ammusua'.

PAOLE 13:13

angkanaya nia' siapa are tau ja'dala' battu ri bansanu le'ba' ampasala oloangi pandudu'na kotaya untu' anynyomba ri rewata-rewata maraenga tenaya nanuassengi.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.

1 SAMUEL 25:17

Lanri kammana anjo, pikkiri' baji'-bajiki anne passalaka, siagang kitappukimi apa akkullea kigaukang ibu'. Nasaba' mattantu labattuna pa'balasaka mae ri pinggawata siagang sikontu kaluargana. Terasa' dudui ulunna pinggawata sa'genna takkulleai niagang a'bicara!”