2 SAMUEL 16:11 - KITTA' MATANGKASA'

¹¹ Nampa nakanamo pole Daud ri Abisai siagang sikontu atanna, “Ana' kalengku appattujuang ero' ambunoa'; angngapa nulannasa' ngaseng anciniki panggaukanna anne tu Benyamin? Batara ansuroi antunraia'; lanri kammana teako apa-apai siagang lappassammi nanatunraia'.

2 SAMUEL 16:11 ပူးပေါင်းရင်းမြစ်များ

PA'JARIANG 15:4

Nampa nalangngere'mo Abram akkana pole Batara ri ia angkana, “Teai atannu langgappai barang-barannu, mingka ana' bura'ne kalennu.”

PA'JARIANG 45:5

Teako mallakki siagang teako sassali kalennu ngaseng, lanri le'bakku nubalukang. Sikontutojenna KalenNa Allata'ala angngeranga' mae anrinni, a'jappa riolo untu' ampasalamaki tau jaia.

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

2 SAMUEL 7:2

Jari nakanamo karaenga ri Na'bi Natan, “Ciniki, anne inakke ammantanga' lalang ri balla' kakaraengang nipareka battu ri kayu camara Libanon, nampa Patti Parjanjianna Allata'ala poro niboliki bawang lalang ri kemaya!”

2 KARAENG-KARAENG 19:37

Ri se'reang allo, sitabanna anynyomba lalang ri balla' panynyombanga ri Rewata Nisrokh, nibunomi siagang pa'dang ri Adramelekh siagang Sarezer ana'-ana' bura'nena tonji. Le'baki anjo larimi ke'nanga mange ri pa'rasangang Ararat. Jari ana' bura'nena maraenga iamintu niarenga Esarhadon ansambeangi a'jari karaeng.

2 PATTOTTORANG 32:21

Nampa akkirimmo malaeka' Batara untu' ambunoi anjo sikamma tantarana siagang perwira-perwirana tu Asyur. Teaimi sipato' siri'-siri'na karaeng Asyur ammotere' mange ri pa'rasanganna. Ri se'reang allo, ri wattunna sitabang nia' lalang ri balla' rewatana, nia'mo siapa are tau battu ri ana' bua kalenna ambunoi siagang pa'dang.

PAMMUJI 109:28

Manna pole natunraia' ke'nanga, poro iKatte ambarakkakia'. Manna pole ambangung ke'nanga, lanipakasiriki ke'nanga; mingka poro inakke, atanTa, Kipakarannua'.

YEHEZKIEL 14:9

Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

YEHEZKIEL 20:25

Nampa Kupassareang mae ri ke'nanga hukkung-hukkung tenaya nabaji' siagang parenta-parenta tenaya nakkulle assare katallassang.

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.