2 SAMUEL 16:10 - KITTA' MATANGKASA'

¹⁰ Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

2 SAMUEL 16:10 ပူးပေါင်းရင်းမြစ်များ

PA'JARIANG 50:20

Assituju ngaseng mako a'gau' ja'dala' mae ri nakke ri pirangngalloang, mingka Napinrami Allata'ala anjo kaja'dallanga a'jari kabajikang; sollanna apa anjo kajarianga pirangalloang, a'jari jaimi tau attallasa' siagang nipasalama' kamma-kamma anne.

2 SAMUEL 19:22

Mingka nakanamo Daud mae ri Abisai siagang Yoab daenna, “Teako pantama'-tamakki. Angngapa nanususai ngasenga'? Anne alloa inakke a'jari karaeng ammotere' mae ri Israel, siagang takkulleai nia' tu Israel nihukkung mate.”

2 SAMUEL 19:23

Nampa assumpamo karaenga mae ri Simei angkana, “Kutanggongi angkanaya tena nulanihukkung mate.”

2 SAMUEL 3:39

Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

1 KARAENG-KARAENG 2:5

Nia' pole se're passala'! Tantu nuu'rangi apa le'baka nagaukang Yoab mae ri nakke nabunona rua perwira tantarana Israel, iamintu Abner ana'na Ner siagang Amasa ana'na Yeter. Nabunoi ke'nanga ri wattu amanna taua untu' ambalasaki pammunoang le'baka nagaukang ke'nanga ri wattu a'bundu'na taua. Nabunoi tau tenaya salanna, mingka kamma-kamma anne inakkemi antanggongi panggaukanna siagang inakkemi sessa.

2 KARAENG-KARAENG 18:25

Nukapangi angkanaya nabundukiko ikambe siagang nakibeta pa'rasangannu natanibantua ikambe ri Batara? KalenNa Batara ansuroi ikambe ambunduki siagang angngancuruki pa'rasangannu!”

AYUB 9:12

Punna anrampasaki, inai barani ampisangkai? Yareka barani akkuta'nang angkana, ‘He, apa Nupare'?’

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

KATO'BA 8:4

Appanggaukangi karaenga lanri koasana; tena barani anggeakki!

PIRAUNG 3:37

Punna tena Nakaerokangi Batara apa-apaya mattantu tenana nakkulle rupataua anggaukangi apa-apaya.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

MATIUS 8:29

Battu lalangi ke'nanga assulu' ri pa'jerakkanga akkiok-kio' angkana, “E Ana'Na Allata'ala! Apa ero' battu nugaukang ri kambe? Ero' mako battu ansessai kambe, manna tanarapikapa wattunna?”

YOHANES 18:11

Nakanamo Isa ri Petrus, “Poterangi antama' ri banoanna antu pa'dannu! Apa nakana pikkirannu talaKutarimayai passessa Napassareanga Manggea mae ri Nakke?”

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.