2 SAMUEL 15:8 - KITTA' MATANGKASA'

⁸ Nasaba' ri wattungku nia' ija ammantang ri Gesur pa'rasangang Siria, le'baka' a'janji la'lampa assambayang mae ri Batara ri Hebron punna Nasarea' pangngellai ammotere' mange ri Yerusalem.”

2 SAMUEL 15:8 ပူးပေါင်းရင်းမြစ်များ

2 SAMUEL 14:23

Nampa a'lampamo Yoab mange ri Gesur untu' ambuntuli Absalom ammotere' mange ri Yerusalem.

2 SAMUEL 14:32

Appialimi Absalom angkana, “Lanri tenana nuero' battu ri wattunnu kukio'. Erokka' assuroko mange andallekang ri karaenga siagang ampabattui anne pakkuta'nangku, ‘Apa matu-matunna kubokoi Gesur siagang ammotere' mae anrinni? Bajikangngang anjoremma' ammantang.’ ” Siagang nakana pole Absalom, “Usahakangi sollangku akkulle andallekang ri karaenga, siagang punna nicini' tau sala ija', sadiama' lanihukkung mate.”

2 SAMUEL 15:9

Appialimi karaenga angkana, “A'lampamako siagang salama'.” Nampa a'lampamo Absalom mange ri Hebron.

2 SAMUEL 3:3

Kileab. Amma'na iamintu Abigail, jandana Nabal battua ri Karmel. Absalom. Amma'na iamintu Maakha, ana' bainena Karaeng Talmai battua ri Gesur.

PAMMUJI 56:12

Tappaka' ri Ia, jari tena kumalla', tena pakkullena rupataua mae ri nakke.

KATO'BA 5:4

Bajikangngangi tenaya ni'janji, kala a'janjia na tanirupaia.

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.

YEREMIA 42:20

angkanaya le'ba' mako appare' kasalang lompo. Nupalaki sollangku appala' doang mae ri Karaeng Allata'alata untu' ikau ngaseng, siagang a'janjiko untu' anggaukangi sikontu apa Napaua Batara.

YOSUA 24:15

Ebara' angkana taerokako anynyomba mae ri Batara, pilei memammi anne alloa, angkana inai lanusomba: rewata-rewata nasombaya boe-boenu riolo ri Mesopotamia yareka rewata-rewatana tu Amori nupammantangngia pa'rasanganna kamma-kamma anne. Mingka ikambe, iamintu inakke siagang sikontu kaluargaku, Batara bawang lakusomba.”

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

1 SAMUEL 16:2

Mingka akkuta'nammi Samuel angkana, “Antekamma musti kugaukanga? Punna nalangngere' anne passalaka Saul, ma'nassa nabunoa'!” Appialimi Batara angkana, “Angngerangko sikayu sapi rungka, siagang paui mae ri ra'yaka angkanaya niakko battu mange anjoreng untu' assare koro'bang mae ri Batara.