2 SAMUEL 15:30 - KITTA' MATANGKASA'

³⁰ Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

2 SAMUEL 15:30 ပူးပေါင်းရင်းမြစ်များ

2 SAMUEL 15:29

Nampa naerammo Zadok siagang Abyatar anjo Patti Parjanjianga ammotere' mange ri Yerusalem siagang ammantammi ke'nanga anjoreng.

2 SAMUEL 19:4

Natongkoki karaenga rupanna siagang angngarru' lompomi, angkana, “O, anakku! Anakku Absalom! Absalom anakku!”

2 SAMUEL 19:5

A'lampami Yoab mange andallekang ri karaenga na nakana, “Anne alloa kipakasiriki ana' buata karaeng, nampa ke'nangami le'ba' ampasalamaki nyawata, nyawana ana'-ana' baineta siagang ana'-ana' bura'neta, bainenta siagang sikamma baine piarata.

ESTER 6:12

Le'baki anjo ammotere'mi Mordekhai mange ri pakke'bu' lompona balla' karaenga. Mingka anjo Haman, akkaro-karomi ammotere'. Taerokai nicini' ri tau jaia lanri sanna' siri'-siri'na. Jari nabombo'mi rupanna.

PAMMUJI 42:3

Nakkuka' ri Allata'ala mattallasaka, angngapapi kunampa akkulle mange assambayang ri Balla'Na?

PAMMUJI 43:5

Angngapa nasi'na siagang lussa' pa'maikku? Manrannuanga' ri Allata'ala, na kulappala' sukkuru'mo pole mae ri Ia, ri Allata'alaku siagang Tumappasalamakku.

YEHEZKIEL 24:17

Gassingka kalangngerangi anjo karru'nu. Teako a'jappai natena nummake soro'bang, yareka tena nummake pa'lapa' bangkeng, kamma tau kamateanga. Tea tongko bongongi rupannu, siagang teako angnganrei roti nikanrea ri wattu kamateang.”

YEHEZKIEL 24:23

Tena nula'jappa nutammakea soro'bang yareka pa'lapa' bangkeng, tena nuppiraung siagang angngarru'. Pila' lata'ronangi tallasa'nu lanri dosa-dosanu; lakkunrarengko mae ri massing para ikau.

ZAKHARIA 14:4

Ri anjo alloa lammentengi ri Bulu' Zaitun, irayanganna Yerusalem. Nalanibage rua Bulu' Zaitun ri se'rea ka'bung lappara', appakkaramula battu iraya sa'genna kalau'. Tawaruanna anjo buluka la'gioki a'lampa wara', nabageruanna pole a'lampa timboroki.

MATIUS 5:4

Mate'nei tau susaya pa'mai'na; nasaba' iami lanisaleori ri Allata'ala!

LUKAS 19:29

Ri wattunna battu ke'nanga ri rampi'na Betfage siagang Betania, iamintu ri Bonto Zaitun, Nasuromi ana' gurunNa rua tau a'jappa riolo.

LUKAS 19:37

Ri wattunna a'reppese'mo ri Yerusalem, ri agang anynyoloroka ri Bonto Zaitun, appakkaramula ngasemmi sikamma ana' gurunNa akkiok-kio' mammuji-muji ri Allata'ala. Siagang appala' sukkuru'mi ke'nanga ri Allata'ala, lanri le'ba'na ngasemmo nacini' ke'nanga sikamma gau'-gau' appakalannasa' le'baka Nagaukang Isa.

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

LUKAS 21:37

Anjoreng ri Balla'Na Batara angngajara' Isa punna allo. Na punna bangngi a'lampai mange ammantang ri Bonto Zaitun.

LUKAS 22:39

Le'baki anjo Nabokoimi Isa anjo kotaya, nampa sangkamma biasa, a'lampami siagang ana'-ana' gurunNa mange ri Bonto Zaitun.

LAMPA-LAMPANA 1:12

Le'baki anjo ammotere'mi anjo sikamma tunisuroa battu ri Bonto Zaitun mange ri Yerusalem. Anjo bontoa nia' kira-kira se're kilometere' bellana battu ri Yerusalem.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.