2 SAMUEL 15:2 - KITTA' MATANGKASA'

² Tunggala' alloi Absalom ambangung bari'basa' nampa ammenteng ri biring aganga ri ampi'na pakke'bu' lompona balla' kakaraenganga. Tunggala' tau eroka ampabattui parkarana mae ri karaenga, nakio' kabusuki siagang nikuta'nangi ri Absalom angkana, “Battu ri suku kemaeko?” Na punna appiali anjo taua angkana, “Battu ri suku anne yareka anjo,”

2 SAMUEL 15:2 ပူးပေါင်းရင်းမြစ်များ

PA'JARIANG 34:20

Nampa a'lampamo Hemor siagang Sikhem ri tampa' pa'rappunganga ri pakke'bu' lompona kotaya. Nampa napabattu mae ri sikontu tuniaka ri anjo kotaya angkana,

2 SAMUEL 19:8

Nampa ammentemmo nai' karaenga, siagang ammempomi ri ampi'na pakke'bu' lompoa. Nalangngere'mi ana' buana angkana niaki anjoreng. Jari battu kabusu'mi ke'nanga andallekang. Lalang anjo wattua sikontu pasukang Israel naerammi lari kalenna, siagang massing ammotere'mi mange ri balla'na.

2 PATTOTTORANG 10:7

Appialimi ke'nanga angkana, “Punna erokki' anggaukangi bajika mae ri ra'yaka, siagang ampakasannangi nyawana ke'nanga, appiali bajikki' mae ri ke'nanga, sollanna tamamminraya pa'mai'na mae ri katte sa'genna satunggu-tungguna.”

AYUB 24:14

Ambangung subui battu ri tinrona pabuno-bunoa, nampa assulu' ammuno tukamase-mase, siagang ri tenanapa nabari'basa', a'dikki-dikkimi sangkamma palukka'.

KALAPPASSANG 18:14

Nacini'na Yitro anjo sikamma jaina apa nagaukang Musa, akkuta'nammi ri Musa angkana, “Apa-apa ngaseng musti nujama untu' anne bansaya? Apaka musti ikau ngaseng kalennu anjamai anjo sikammaya jaina jama-jamang, sa'genna manna eroka appala' tangara'nu taua, musti ammentengi anrinni ke'nanga battu ri bari'basa' sa'genna bangngi?”

KALAPPASSANG 18:16

Punna nia' passisala-salanna ke'nanga, battui ke'nanga mae ri nakke sollanna kutappuki parkarana ke'nanga, siagang kupauangi ke'nanga sikamma parentaNa siagang hukkung-hukkunNa Allata'ala.”

KALAPPASSANG 18:26

Nagaukammi tugasa'na ke'nanga salaku haking-haking mae ri bansa Israel. Ia parkara-parkara lompoa naerangi ke'nanga mae ri Musa, mingka passisala-salang ca'dia kalenna tonji ke'nanga alle'bakangi.

PANGNGEBARANG 4:16

Tau ja'dalaka takkulleai attinro punna tenapa nagaukangi apa tenaya nabaji'. Tata'do'dokai ke'nanga punna tenapa nabalai paranna tau.

DANIEL 11:21

Nakanamo pole anjo malaekaka, “Karaeng ribokoangannaya lammarenta ri pa'rasangang wara', iamintu tau tuna siagang tenaya ha'na a'jari karaeng. Mingka tanisanna-sannayai nania' battu, siagang appareki akkala' nakkulle naalle empoang kakaraenganga.

MATIUS 27:1

Ri bari'basa' dudua, natappukimi sikontu kapala imanga kammayatompa pamimping-pamimpinna tu Yahudia, angkanaya lanabunoi Isa.

PAOLE 17:8

Punna nia' parkara takkullea nitappuki ri haking-hakinga ri se'reang tampa' lanri sukkara' duduna, ebara'na parkara pammunoang tenaya nikunjungi yareka nikunjungia, parkara pa'barang-barangngang yareka assiloko'-lokoki, musti nuerangi mange ri tampa' ibada Napattantua Karaeng Allata'alanu.

RUT 4:1

A'lampai Boas mange ri tampa' passibuntulanga ri pakke'bu' lompona kotaya. Ammemponamo anjoreng, nia'mo allalo sitau bura'ne naassenga Boas angkanaya anjo taua bija ma'reppese' sikalina Elimelekh. Nakio'mi Boas anjo taua angkana, “Sari'battang, mae sako ammempo anrinni.” Battumi anjo taua, nampa ammempo.