2 SAMUEL 15:18 - KITTA' MATANGKASA'

¹⁸ Sikontu pagawena karaenga ammentengi ri sa'rinna ri wattunna a'barrisi' pangawala'na karaenga allaloi. Kammayatompa annambilangngang tantara battu ri Gat nia' todong ampinawangi, a'barrisi' ri dallekanna.

2 SAMUEL 15:18 ပူးပေါင်းရင်းမြစ်များ

2 SAMUEL 15:17

Ri wattunna a'jappamo karaenga siagang sikontu parurunna ambokoi kotaya, ammantammi ke'nanga ri ampi'na balla' kala'busanga.

2 SAMUEL 18:2

Le'baki anjo nasuromi ke'nanga maju lalang tallung pammantangngang untu' a'bundu', massing-massing nipimping ri Yoab, Abisai andi'na Yoab siagang Itai battua ri Gat. Nakana karaenga ri ana' buana, “Inakke lamminawang todong siagang ikau ngaseng.”

2 SAMUEL 20:23

Iaminne pagawe-pagawe tinggina Daud: Panglimana sikontu tantarana Israel: Yoab. Kapala pasukang pangawala' kalenna Daud: Benaya ana'na Yoyada.

2 SAMUEL 20:7

Jari a'lampami pasukang Yoab siagang pasukang pangawala' kalenna karaenga kammayatompa sikontu tantara maraenga, nipimping ri Abisai, untu' angngondangi Seba.

2 SAMUEL 6:10

Lanri kammana anjo taerokami pole angngerangi anjo Patti Parjanjianga mange ri Yerusalem, passangalinna naboli'mi ri balla'na Obed-Edom tu Gat.

2 SAMUEL 8:18

Kapala pangawala' kalenna karaenga: Benaya ana'na Yoyada; Imang-imang balla' kakaraenganga: ana'-ana' bura'nena Daud.

1 KARAENG-KARAENG 1:38

Jari Zadok, Natan, Benaya, siagang pangawala' ri kalenna karaenga nasuromi Salomo nai' ri keledaina karaenga, nampa narurungang mange ri timbuseng je'neka ri Gihon.

1 SAMUEL 23:13

Jari a'lampami Daud siagang ana' buana niaka kira-kira 600 tau jaina ambokoi kota Kehila, nampa a'lampa a'lette'-lette' battu ri se'reang tampa' mae ri tampa' maraengannaya. Nalangngere'na Saul angkanaya a'lampami Daud battu ri Kehila, tenamo nanjari nabunduki anjo kotaya.

1 SAMUEL 25:13

Naparentakammi Daud angkana, “Massing pasikko' ngasengi pa'dannu ri aya'nu!” Silalonna memang nanagaukammo ana' buana anjo apa naparentakanga. Napasikko' tommi Daud pa'danna ri aya'na nampa a'lampa siagang kira-kira nia' 400 tau, nampa nia' 200 ammantang untu' a'jaga barang-barang.

1 SAMUEL 27:3

Jari ammantammi ri Gat siagang ana' buana, massing-massing siagang kaluargana ke'nanga. Daud naerang tommi anjo ruaya bainenna, iamintu Ahinoam baine battua ri Yizreel, siagang Abigail, le'ba' bainenna Nabal baine tu Karmel.

1 SAMUEL 27:4

Nalangngere'na Saul angkanaya larimi Daud mange ri Gat, tenamo nausaha ero' anjakkalaki.

1 SAMUEL 30:1

Ruangallo ribokoanganna, Daud siagang ana' buana ammotere'mi mange ri Ziklag. Ri wattunna battu ke'nanga mange anjoreng, narapikammi ke'nanga angkanaya nabundukimi tu Amalek bageang timboranna pa'rasangang Yehuda nampa nabunduki Ziklag. Tena nabunoi ke'nanga manna pole sitau. Mingka natunu ngasengi ke'nanga sikontu kotaya sa'genna la'busu', nampa napannarrusu' jappana ke'nanga na naerang sikamma tubai'-bainea, ana'-anaka siagang pandudu' maraengannaya. Najakkala' tommi ke'nanga kaluargana Daud siagang sikamma kaluargana ana' buana, kammayatompa ruaya bainenna Daud, iamintu Ahinoam siagang Abigail. Sanna'mi si'nana pa'mai'na Daud siagang ana' buana, nampa tenamo ammarina angngarru' ke'nanga sa'genna mangngang.

1 SAMUEL 30:14

Le'baki ikambe battu ambunduki tu Kreti ri bageang timboranna Yehuda siagang daera bijanna Kaleb, kammayatompa le'ba'mi nitunu sa'genna la'busu' kota Ziklag.”

1 SAMUEL 30:9

A'lampami Daud siagang anjo annambilangnganga ana' buana. Ri wattunna battu ke'nanga mange ri Binanga Besor, napatulusu'mi jappana Daud siagang 400 tau jaina. Nampa 200 tau maraengannaya ammantangi anjoreng, lanri mangngang dudumi ke'nanga siagang tanakulleai nalimbang Binanga Besor.