2 SAMUEL 15:14 - KITTA' MATANGKASA'

¹⁴ Nampa nakanamo Daud mae ri sikontu pagawena niaka ri Yerusalem, “Umba naniallei kalenta. Tena ruanna anne cara sollanta ta'lappasa' battu ri Absalom. Tenamo nasallo nabattu. Akkaro-karoko, gassingka akkulleki' niondang siagang nibeta, sa'genna nibuno kabusu' pandudu'na kotaya.”

2 SAMUEL 15:14 ပူးပေါင်းရင်းမြစ်များ

2 SAMUEL 12:11

Assumpa' angkanaya laKupitujuiko bala, iamintu battua ri kaluarga kalennu. LaKuallei sikamma bainennu ri dallekang matannu siagang Kupassareangi mae ri tau maraenga assikatinroanga siagang ke'nanga ri tangngana alloa.

2 SAMUEL 15:15

Appialimi ke'nanga angkana, “Baji'mi karaeng. Sadiami ikambe untu' anggaukangi apa erotta.”

2 SAMUEL 19:10

Nilantiki Absalom a'jari karaeng, mingka kamma-kamma anne matemi lalang pa'bundukang. Angngapa natena manna sitau angngusahakangi angngerangi Karaeng Daud ammotere'?”

2 SAMUEL 19:9

Nia'mo ammumba ri sikontu Israel passigeakkang. Nakana ke'nanga, “Karaeng Daud le'ba' ampasalamakki' battu ri tu Filistin siagang allappassangki' battu ri musu-musunta maraenga, mingka kamma-kamma anne larimi battu ri Absalom siagang nabokoimi anne pa'rasanganga.

PAMMUJI 51:18

Tena Kiero' ri koro'bang nisamballea; ebara' angkana assarea' koro'bang nitunu, tena nalaKingai.

YEHEZKIEL 46:18

Patugasa' pamarentaya takkulleai naalle manna sike'de' dudu barang pisakana ra'ya'na. Butta kalennaji bawang akkulle napassareang mae ri ana'-ana' bura'nena, sa'genna tena manna sitau battu ri ummakKu akkulle nipasisa'la' battu ri barang-baranna.”

MATIUS 11:12

Battu ri pakkaramula nabirittakanna Yohanes anne kabaraka sa'genna kamma-kamma anne, tuli nisusaina umma'Na Allata'ala battu ri tau eroka angkoasai passai ke'nanga.

LUKAS 10:15

Na ikau tau niaka ri Kapernaum! Bara' nupikkiriki angkanaya laniangkakko nipakatinggi nai' ri suruga? Tena! Passangalinna lanipelakko antama' ri naraka!”