2 SAMUEL 14:7 - KITTA' MATANGKASA'

⁷ Na kamma-kamma anne, sikontu kaluargana atanta namusui atanta siagang natuntuki atanta sollanna napassareang anjo ana'na atanta ammunoa mae ri ke'nanga, sollanna nahukkung mate ke'nanga anjo anaka, lanri le'ba'na nabuno sari'battanna. Punna napassareangi atanta anjo anaka, amantang mami atanta akkale-kale. Lanaancuruki ke'nanga se're-se'rea panrannuanna atanta. Nampa tenamo sitau ana' bura'ne untu' bura'nenna atanta ampannarrusuki jari-jarina.”

2 SAMUEL 14:7 ပူးပေါင်းရင်းမြစ်များ

PA'JARIANG 27:45

na nakaluppaimo anjo apa le'baka nugaukang mae ri ia. Nampa lakusuro sallang taua angngerangko ammotere' mae anrinni. Taeroka' tappela' rua anakku lalang se'rea allo.”

PA'JARIANG 4:14

Kibongkama' battu ri anne buttaya, bella battu ri dallekang mala'biritTa. La'lampama' mange-mange na tena pammantangangku ri lino, siagang lanibunoa' ri tau ambuntulukia' sallang.”

2 SAMUEL 12:17

Nampa battumo sikamma tumalompona balla' kakaraenganga mae ri ia na nanyonyo' sollanna ero' ambangung nai'. Mingka taerokai angnganre siagang ke'nanga.

2 SAMUEL 14:6

Nia' ana' bura'nena atanta rua. Ri se'reang allo a'besereki ke'nanga ri paranga. Lanri tenana tau ansa'lakki ke'nanga, matemi kalase'renna nibuno ri sari'battanna.

2 SAMUEL 14:8

Appialimi karaenga angkana, “Ammotere' mako, inakkepa angngurusuki anjo passalaka.”

PAMMILANGNGANG 35:19

Bija ma'reppese'na anjo tau mate nabunoa akkullei nagaukang anjo hukkungang matea. Punna nagappai anjo tau ammunoa, akkullei nabuno.

MATIUS 21:38

Mingka nacini'na ke'nanga anjo ana'na patanna koko nakanamo para ia, ‘Iaminne ana'na, warisi'na patanna koko. Umba nibunoi nampa nialleang warisi'na!’

PAOLE 25:6

Ana' bura'ne toana ke'nanga musti nikanai ana'na anjo tau matea, sollanna nia' jari-jarina ri tangnga-tangngana bansa Israel.