2 SAMUEL 14:25 - KITTA' MATANGKASA'

²⁵ Nipalecei Absalom salaku tau kaminang gammara' ri sikontu Israel. Tena tau la'bi gammarangngang naia. Battu ri pala' bangkenna sa'genna cappa' uu'na tena callanna.

2 SAMUEL 14:25 ပူးပေါင်းရင်းမြစ်များ

AYUB 2:7

A'lampami lapung Panggoda battu ri dallekanNa Batara, nampa napa'jari puru lompomo sibatu kalenna Ayub, battu ri pala' bangkenna sa'genna nai' ri cappa' ulunna.

PANGNGEBARANG 31:30

Tanja' ga'gaya takkulleai nipatappa', siagang kaga'ganga lalanynyaki; mingka baine mappilangngeria ri Batara siratangi anggappa pammuji.

YESAYA 1:6

Battu ri cappa' ulunnu sa'genna pala' bangkennu tenamo baji'-baji' ri kalennu. Akkambang-kambang ngaseng kalennu, rassi bate cambo' siagang bokka'-bokka'. Anjo bokka'-bokka'nu tenapa nale'ba' nitangkasi siagang niroko', tena tompa naniballei siagang minynya'.

DANIEL 1:4

Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

MATIUS 23:27

Cilaka ngaseng mako ikau guru-guru agamaya siagang tu Farisia, lanri nungaina assara-saraia! Sanrapangko jera' nice' keboka; sanna' ga'gana nicini' pantaranganna; mingka lalanganna rassi buku-buku sannaka ngaseng botto'na.

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

PAOLE 28:35

LaNapirassi Batara anjo bangkennu siagang puru lompo siagang pa'risika, tenaya nakkulle ammolle; battu ri bangkennu sa'genna tompo'na ulunnu larassi siagang lattang.

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”

1 SAMUEL 9:2

Kish nia' ana'na bura'ne niarenga Saul, iamintu se're tau rungka gammara' na kassa' kalenna. Tena manna sitau battu ri sikontu Israel la'bi gammarangngang naia. Pakkaleanna la'bi tinggi tongi. Ia taua ri Israel samara' sa'ge salanggannaji tinggina.