2 SAMUEL 14:16 - KITTA' MATANGKASA'

¹⁶ Napikkiriki atanta angkanaya lakipilangngeri siagang lakipasalamaki atanta battu ri tau eroka ambunoi atanta siagang ana'na atanta. Eroki ke'nanga ampattaenai ikambe battu ri butta Napassareanga Allata'ala mae ri umma'Na.

2 SAMUEL 14:16 ပူးပေါင်းရင်းမြစ်များ

2 SAMUEL 14:15

Andallekangi anne atanta ri katte karaeng, lanri nigammaraki atanta ri taua. Nampa appikkiri' atanta angkanaya bajikangngang a'bicarai atanta siagang ikatte karaeng, siagang manrannuangi atanta angkanaya lakiturukiangi anne pappala'na.

2 SAMUEL 20:19

Anne kotana ikambe iamintu kota Abel lompoi, kala se'renna kota kaminang amanga siagang tamamminraya pa'mai'na ri butta Israel. Angngapa nakiero' angngancuruki? Erokki' ampanraki buttaNa Batara?”

PAMMUJI 72:12

Saba' nalappassangi tu nijallakkanga siagang tu tenaya pakkullena, siagang akkioki tu kasi-asia mae ri ia.

PANGNGEBARANG 16:10

Karaenga annarimai koasa battu ri Allata'ala, jari, tena nasala lalang kaputusanna.

PAOLE 32:9

Mingka anne jari-jarina Yakub Napilei Batara untu' KalenNa.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.