2 SAMUEL 14:12 - KITTA' MATANGKASA'

¹² Nampa nakanamo anjo bainea, “O, karaeng mala'birikku, poro kikellaia' a'bicara pole sike'deppi.” Appialimi karaenga angkana, “Baji'mi.”

2 SAMUEL 14:12 ပူးပေါင်းရင်းမြစ်များ

PA'JARIANG 18:27

Nakanamo pole Abraham, “Kipammopporanga' lanri baraniku ansambungi anne apa nibicaraya, Batara. Inakke anne poro tulinoja' bawang, siagang tena hakku untu' appau.

PA'JARIANG 18:32

Kala'busanna nakanamo pole Abraham, “TeaKi' larroi Batara, sikali mama' la'bicara. Antekamma punna sampuloji bawang tau anjoreng?” Nakanamo Batara, “Punna nia' sampulo tau tena salana, talaKupanrakiai anjo kotaya.”

PA'JARIANG 44:18

Majumi Yehuda a'reppese' ri Yusuf nampa nakana, “Pammopporanga', karaeng. Kisarema' sike'de' kasampatang a'bicara siagang ikatte. Teaki' larroi ri atanta karaeng. Ikatte sangkammaki' kalenna karaeng Mesir.

2 SAMUEL 14:11

Nakanamo anjo bainea, “Poro appala' doang laloki' karaeng mae ri Karaeng Allata'alata, sollanna anjo tau eroka ambalasaki kamateanna anjo ana'na atanta tena nagaukangi kaja'dallang la'bi lompoangnganga pole lanri nabunona pole ana'na atanta se'rea.” Appialimi Daud angkana, “Lanri Batara mattallasaka, anjo ana'nu tena nalaniapa-apa manna pole sike'de'.”

2 SAMUEL 14:13

Nakanamo anjo bainea, “Battu ri kananna karaengku, mangakumi karaengku angkanaya kalenna karaengku sala lanri tenana kikellai ana' bura'nena karaengku ammotere' battu ri pa'lampanna ri pa'rasanganna taua. Angngapa nakigaukang karaeng anjo kasalang kammaya mae ri umma'Na Allata'ala?

2 SAMUEL 20:17

Nampa battumo Yoab siagang akkuta'nammi anjo bainea angkana, “Ikatteka Yoab?” Appialimi Yoab angkana, “Iyo.” Nakanamo anjo bainea, “Kipilangngeri anne kanangku.” Appialimi Yoab angkana, “Baji'mi, kupilangngeri apa lanukanaya.”

1 KARAENG-KARAENG 2:14

Appialimi Adonia angkana, “Iye'. Nia' ero' kupala' battu ri katte ibu'.” Akkuta'nammi Batsyeba angkana, “Apa?”

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

LAMPA-LAMPANA 26:1

Nakanamo Agripa mae ri Paulus, “Kamma-kamma anne nisareko kasampatang a'bicara, untu' ampakasingaraki kalennu punna tena nusala.” Jari naangka'mi limanna Paulus nampa a'bicara kamma anne.

1 SAMUEL 25:24

ri bangkenna Daud, nampa nakana, “O karaeng, kipilangngeria' rolong! Boli'mi kamma kalenna atanta antanggongi anjo kasalanga.