2 SAMUEL 13:9 - KITTA' MATANGKASA'

⁹ Le'baki anjo napasulu'mi anjo kanrejawaya battu ri pancia nampa napatala. Mingka taerokai Amnon angnganre. Nakana, “Suro kabusuki taua assulu' battu anrinni!”

2 SAMUEL 13:9 ပူးပေါင်းရင်းမြစ်များ

PA'JARIANG 45:1

Takkulleami naparrangngi pa'mai'na Yusuf ri dallekanna sikamma pagawena. Jari nasuromi ke'nanga a'lampa ambokoi anjo tampaka, sollanna akkulle napappiassengang kalenna mae ri sikamma sari'battanna.

2 SAMUEL 13:10

Assulu'na ngasemmo taua battu ri anjo bilika, nakanamo Amnon ri Tamar, “Erangi sikamma anjo kanrejawaya mae anrinni, ri tampa' katinroangku, siagang sioiya'!” Namminawang turu'mo Tamar.

2 SAMUEL 13:8

Nampa a'lampamo Tamar mange anjoreng siagang narapikammi Amnon attinro ri katinroanga. Angngallemi Tamar sike'de' labu' nileo', nampa appasadia kanrejawa nilangga ri dallekanna Amnon.

YOHANES 3:20

Inai-nai a'gau' ja'dala', iami angkabirisi Singaraka; taerokai battu mae ri singaraka, sollanna tena nakacinikang panggaukang ja'dala'na.

HAKING-HAKING 3:19

Mingka Ehud ammantangi kale-kalenna ri wattunna anrapi' ri batu-batu niukirika ri ampi'na Gilgal. Nampa ammotere' mange ri Karaeng Eglon. Anjo wattua niaki Karaeng Eglon lalang ri kamara' dinginga, irate ri loteng balla' lompoa. Nakanamo Ehud ri Eglon, “O karaeng tu nipakala'birikku! Nia' kabara' rahasia ero' napabattu atanta mae ri katte.” Nanakanamo anjo karaenga: “Tayangi rolong.” Nampa nasuro ngaseng sikontu atanna assulu'. Sa'genna iamami kalenna siagang Ehud ammantang. Nampa a'reppese'mo Ehud mae ri anjo karaenga, sitabanga ammempo. Angkanami, “Nia' kabara' battu ri Allata'ala untu' ikatte.” Nalangngere'na anjo ammentemmi anjo karaenga.