2 SAMUEL 13:3 - KITTA' MATANGKASA'

³ Nia' sitau aganna Amnon sanna' porena akkala'na, niareng Yonadab ana'na Simea daenna Daud.

2 SAMUEL 13:3 ပူးပေါင်းရင်းမြစ်များ

PA'JARIANG 3:1

Ia ularaka iami kaminang cara'de' ri sikontu olo'-olo' Napareka Karaeng Allata'ala. Akkuta'nangi anjo ularaka mae ri anjo bainea angkana, “Apaka ma'nassa tena tojeng Nakellaiko Allata'ala angkanrei anne sikontu rappo-rappo niaka ri kokoa?”

PA'JARIANG 38:1

Anjo wattua a'lampai Yehuda ambokoi sikamma sari'battanna nampa ammantang ri balla'na sitau bura'ne, niarenga Hira, battua ri kota Adulam.

PA'JARIANG 38:20

Siapa are wattu ribokoanganna, nasuromi aganna Yehuda iamintu Hira, untu' ampangngerangngangi bembe anjo bainea. Nasuro pala' tommi ammotere' sikamma anjo barang-barang le'baka napassareang a'jari boro'. Mingka tanabuntulai Hira anjo bainea.

2 SAMUEL 13:2

siagang eroki angngagangi sikatinroang. Mingka anjo kammaya tena olona lakkulle lanri anjo Tamar tenapa nale'ba' a'bunting siagang takkulleai sileporang siagang bura'-bura'ne. Tulusu' nanawa-nawana Amnon anjo passalaka sa'genna tu'guru' garring.

2 SAMUEL 13:32

Mingka Yonadab ana'na Simea daenna Daud nakanamo, “Karaeng, teaki' lussakki siagang teaki' pikkiriki angkanaya mate ngasemmi ana' bura'neta. Poro Amnon bawang mate, nasaba' singara'mi angkanaya iaminjo nakaerokia Absalom baku' le'ba'na Tamar andi'na nipassa nigau' bawang ri Amnon.

2 SAMUEL 13:4

Nakanamo Yonadab mae ri Amnon, “O, Karaeng lolo, angngapa naallo-allota kucini' si'na kamma? Apa saba'na kutadeng?” Appialimi Amnon angkana, “Erokka' ri Tamar, andi'na anjo sari'battangku Absalom.”

2 SAMUEL 14:2

lanri kammana anjo assuro allemi sitau baine porea akkala'na niaka ammantang ri Tekoa. Ri wattunna battumo anjo bainea, angkanami Yoab ri ia, “Musti assara-saraiki' kamma tau susa kamateang ibu'; ammakeki' pakeang tau susa kamateang, siagang teaki' ammakei minynya' bau'. Kipare' kammai kalenta baine salloamo angngarru' lanri matenamo tau kingaia.

2 SAMUEL 21:21

Nacau-caui tu Israel, na lanri kammanami anjo nanibunomo ri Yonatan ana'na Simea, daenna Daud.

1 PATTOTTORANG 2:13

Ana' bura'nena Isai nia' tuju. Iaminne areng-arenna ke'nanga situru' susunang umuru'na: Eliab, Abinadab, Simea,

1 PATTOTTORANG 27:32

Purinanna Karaeng Daud niarenga Yonatan, iami tumappakainga' cara'deka siagang tinggia sikolana. Ia siagang Yehiel ana'na Hakhmoni nisare tanggong jawa' mae ri sikolana ana'-ana' bura'nena karaenga.

ESTER 5:10

Mingka naparrangngi anjo larrona nampa ammotere' ri balla'na. Battui mange ri balla'na, nasuromi battu sikamma agang-aganna. Nakio'mi bainenna, iamintu Zeres, battu ammempo siagang ke'nanga.

ESTER 5:14

Nalangngereki bainenna siagang sikamma agang-aganna akkana kamma anjo Haman, nakanamo ke'nanga, “Assuro pare' mamako tampa' pa'gentungang ruampuloa metere' tinggina. Nampa ammukona, ri bari'basaka, appala' isingko mae ri karaenga untu' anggentungi Mordekhai ri anjo tampa' panggentunganga. Lanri kammana anjo akkulle mako mange ri anjo parjamuanga siagang sannang pa'mai'.” Baji' sikali panggappana anjo ke'nanga turu' ri panggappana Haman. Jari nasuromi linta' taua ampareki anjo tampa' panggentunganga.

ESTER 6:13

Nacaritami mae ri bainenna siagang sikamma aganna apa le'baka nagaukang. Jari nakanamo bainenna siagang sikamma anjo agang-aganna appikkiri' bajika, “Appakkaramula mako nabeta gassing Mordekhai. Ia tu Yahudi, nampa takkulleako angngewai. Mattantu lanabetako.”

PANGNGEBARANG 19:6

Tunggala' tau usahai angngallei pa'mai'na tau malompoa; sikontuna taua eroki a'jari agang mae ri tau nangaia assare.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

1 KORINTUS 3:19

Nasaba' tau nicini' cara'deka ri anne linoa, sikontutojenna nicini' dongoki ri Allata'ala. Nia' tattulisi' lalang ri Kittaka angkanaya, “Battu ri kacara'dekanna tonji tu cara'deka, nanijakkala'mo kananna ri Allata'ala.”

YAKOBUS 3:15

Anjo kacara'dekang kammaya tena nabattu ri suruga assala'na. Mingka battu ri lino, battu ri hawa napasuna rupataua, siagang battu ri setanga!

HAKING-HAKING 14:20

Nampa napassareammo matoang bura'nena Simson anjo bainenna Simson mae ri paeranna Simson ri wattu pa'buntinganna.

1 SAMUEL 16:11

Nampa akkuta'nang Samuel ri ia angkana, “Ia ngasenji anne bawang ana'nu bura'nea?” Appialimi Isai angkana, “Nia' ija sitaupi, iamintu bungkoa, mingka sitabangi a'lampa akkalawaki gimbala'.” Nakanamo Samuel, “Suro kioki, nasaba' tena kilangnganre punna tenapa nabattu.”

1 SAMUEL 16:9

Nampa Syama nisuro maju ri Isai, mingka nakana Samuel, “Ia tena todong nanipilei ri Batara.”