2 SAMUEL 13:24 - KITTA' MATANGKASA'

²⁴ Andallekangi ri Karaeng Daud na nakana, “Bapa', apparekka' passua'-suarrang panggoncingang bulu gimbala'. Kuminasaiki' bapa' nakibattu todong mae ri anjo passua'-suarranga siagang sikamma tumalompona balla' kakaraenganga.”

2 SAMUEL 13:24 ပူးပေါင်းရင်းမြစ်များ

PA'JARIANG 38:12

Siapa are wattu ribokoanganna, mate tommi bainenna Yehuda. Ri wattunna le'ba'mo wattu kasusaanga, a'lampami mange ri Timna, ri tampa' sikamma gimbala'na untu' anggoncingi bulunna. Nakio' tommi Hira, anjo aganna battua ri Adulam.

2 SAMUEL 13:23

Ruan taung ribokoanganna appare'mi passua'-suarrang Absalom lanri anggoncinna bulu gimbala' ri Baal-Hazor, ri ampi'na kota Efraim. Naundang kabusu'mi ana' bura'nena karaenga.

2 SAMUEL 13:25

Mingka appialimi karaenga angkana, “Teako na', nasaba' punna battu ngasengi ikambe, lanisusaijako.” Tulusu' napala' dudumi Absalom mingka tuli tena naero' battu manggena. Nasareji bawang pangngellai.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PAMMUJI 55:21

Le'ba' belaku nabunduki agang-aganna, nakaluppai janjinna.

1 SAMUEL 25:7

Kulangngere' kabaraki angkanaya sitabangi nucukkuru' bulunna gimbala'nu. Parallui nuasseng angkanaya sikamma pakalawakinnu niaka ri daerana ikambe, tena le'bakai niganggu ri kambe, kammayatompa tena le'bakapi nia' apa-apanna ke'nanga tappela' baku' nia'na ri Karmel.