2 SAMUEL 13:20 - KITTA' MATANGKASA'

²⁰ Ri wattunna nacini' Absalom appakamma anjo, akkuta'nammi ri ia angkana, “Apaka nagau' salako sumpadeng Amnon? Sudamo andi', tea' mako nawa-nawai pole anjo. Sai ia daennui. Jari teako paui anne passalaka manna pole ri nai.” Nampa naalleimo kalenna Tamar mae ri balla'na Absalom, siagang sanna'mi si'nana nyawana na sino nasa'ring.

2 SAMUEL 13:20 ပူးပေါင်းရင်းမြစ်များ

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

PA'JARIANG 46:15

Yangaseng anne ke'nanga ana'na Yakub nalassukanga Lea ri Mesopotamia, napantaranganna anjo nia' todong ana'na baine niarenga Dina. Jari sikontu turunganna Yakub battu ri bainenna niarenga Lea nia' tallumpulo antallu tau jaina.

2 SAMUEL 13:19

Nampa naboneimo au ulunna Tamar, nakekkeki jubana, siagang natongko'mi rupanna siagang rua limanna nampa angngarru' pacce nyawana.

2 SAMUEL 13:21

Nalangngereki Daud anjo apa kajarianga, siagang sanna'mi larrona napakamma.

2 SAMUEL 14:24

Mingka tena nipa'biangi ri karaenga Absalom ammantang ri balla' kakaraenganga. Nakana karaenga, “Taeroka' anciniki.” Jari tulusu'mi Absalom ammotere' mange ri balla' kalenna, siagang tena namange andallekang ri karaenga.

PANGNGEBARANG 26:24

Tau mangngabirissia te'nei kana-kananna mingka atinna rassi balle-balle.

ROMA 12:19

Sikamma sari'battangku! Tea' laloko a'balasaki ri kaja'dallanna taua mae ri kau; boli'mi kamma na Allata'ala ampabattui hukkunganna. Nasaba' nia' tattulisi' lalang ri Kittaka angkanaya, “Nakana Batara, iNakkemi lambalasaki panggaukanna taua. INakkemi langhukkungi.”