2 SAMUEL 13:12 - KITTA' MATANGKASA'

¹² Appialimi anjo tuloloa angkana, “Teaki' daeng. Teaki' passaia' anggaukangi anjo panggaukang tuna kammaya! Anjo panggaukang kammaya ta'le'bakai nigaukang ri Israel.

2 SAMUEL 13:12 ပူးပေါင်းရင်းမြစ်များ

PA'JARIANG 34:2

Ri wattunna nicini' Dina ri Sikhem, iamintu ana'na Hemor tu Hewi, a'jari karaenga ri anjo daeraya, nalariammi Sikhem anjo tuloloa, nampa napassa nagau' sala.

PA'JARIANG 34:7

Sitabang le'baki anjo wattua nia'mi sikamma ana'na Yakub ammotere' battu ri paranga. Nalangngere'na ke'nanga anjo apa le'baka kajariang, ta'bangkami ke'nanga siagang sanna' ngasemmi larrona. Nasaba' lanri nagau' salana Sikhem anjo Dina, nahinami sikontu tu Israel.

PANGNGEBARANG 7:7

Nampa jai kucini' tau rungka tenayapa apa-apa naasseng; mingka ia kaminang kuparhatikang ri ke'nanga, iamintu nia' sitau dongoka ri alla'na ke'nanga.

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

KAIMANGNGANG 18:11

Teako assikatinroangngi siagang sari'battang bainenu a'julu manggea siagang ikau namaraeng amma'na yareka nuaganga a'julu amma' namaraeng manggena, nasaba' anjo assari'battangko.

KAIMANGNGANG 18:9

Teako assikatinroangngi siagang sari'battang bainenu yareka sari'battang aonu, baji' nipakalompoa lalang julu balla'nu kammayatompa nipakalompoa ri balla' maraenga.

KAIMANGNGANG 20:17

Punna nia' tu bura'ne a'gau' bawang siagang sari'battang bainena yareka sari'battang julu mangge namaraeng amma'na, yareka sari'battang julu amma' namaraeng mangge, tenamo nanibilangi ke'nanga anggota ummakKu. Ampanggaukang tasilolongammi ke'nanga siagang musti natanggongi kodina kale'bakkanna.

PAOLE 22:21

anjo bainea musti nierangi mange ri pakke'bu' balla'na tau toana. Anjoreng ri tampaka musti nisambilai siagang batu anjo bainea ri tubura'-bura'nea ri anjo kotaya sa'genna mate. Anjo bainea le'baki ampanggaukang appakasirika mae ri bansata lanri nagaukanna assikatinroanga siagang bura'ne ri tenanapa na'bunting, ri wattu ammantanna ija ri balla'na manggena. Lanri nihukkunna anjo bainea nupaccappu'mi anjo kaja'dallang kammaya.

PAOLE 22:29

Punna kamma anjo passalaka, anjo tu bura'nea musti a'bayaraki mae ri manggena anjo bainea iamintu sangkamma jaina doe' panai', iamintu limampulo doe' pera', nampa musti nabaineangi anjo tuloloa lanri le'ba'namo napassa assikatinroang siagang ia. Lalang tallasa'na takkulleai natalla' anjo bainea.

HAKING-HAKING 19:23

Assulu'mi anjo tau toaya na nakana ri ke'nanga, “Teako, sari'battang! Kupalaki, teako a'gau' kodi yareka a'gau' tenaya nasiratang kammanjo, nasaba' anne taua toanangku.

HAKING-HAKING 20:6

Nampa kualle maya'na kukerek-kere', nampa kukiring mae ri sampuloa anrua suku bansata massing tassikere'. Nakuppakamma anjo, lanri a'gau' ja'dala'na siagang appakasiri'na anjo tu Gibeaya ri tangnga-tangngana umma' Israel.