2 SAMUEL 12:5 - KITTA' MATANGKASA'

^5-6 Nalangngere'na Daud anjo carita kammaya, a'jari teaimi sipato' larrona mae ri panggaukanna anjo lapung tau kalumanynyanga siagang nakanamo, “Palla' sikali anjo tau kalumanynyanga! Lanri Batara, anjo taua musti nasambei anjo ana' gimbalaka a'lappi appa' siagang musti nihukkung matei!”

2 SAMUEL 12:5 ပူးပေါင်းရင်းမြစ်များ

PA'JARIANG 38:24

Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

2 SAMUEL 12:4

Ri se'reang allo nibattui ri toana anjo lapung tau kalumanynyang. Taerokai anjo lapung tau kalumanynyanga ampolongi gimbala'na yareka sapi kalenna sollanna nipalluangi anjo toananna. Mingka naallei ana' gimbala'na anjo lapung tau kasi-asia, nampa napalluang toananna.”

2 SAMUEL 14:8

Appialimi karaenga angkana, “Ammotere' mako, inakkepa angngurusuki anjo passalaka.”

LUKAS 9:55

Assailemi Isa, na Nakalarroi ke'nanga.

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

1 SAMUEL 14:39

A'janjia', lanri Batara attallasaka, ia le'baka assarei Israel pammetang, angkanaya tau salaya lanihukkung matei, manna pole ebara' angkana Yonatan ana' bura'neku.” Mingka tena manna sitau barani appiali.

1 SAMUEL 20:31

Tena nanusadari angkanaya punna attallasa' iji Daud tena olonu la'jari karaeng ri anne pa'rasanganga? Kamma-kamma anne suroi taua a'lampa mange amboyai nampa naerang mae anrinni, nasaba' musti nibunoi!”

1 SAMUEL 26:16

Tena nusanggu' anggaukangi tugasa'nu Abner! Lanri Batara mattallasaka, ikau ngaseng siratangko nibuno, lanri tena nanujagai karaennu, karaeng Napilea Batara. Ciniki sai, kemaei pokena karaenga? Kemaei pammoneang je'ne'na niaka ri ba'leang ulunna sumpaeng?”