2 SAMUEL 12:20 - KITTA' MATANGKASA'

²⁰ Jari ambangummi nai' Daud battu ri daparaka, nampa a'je'ne' siagang najangkai baji' uu'na, kammayatompa nasambei pakeanna. Le'baki anjo a'lampami assambayang ri Balla'Na Batara. Le'baki anjo ammotere'mi mae ri balla' kakaraenganga, siagang assuro patalami kanre, nampa angnganre.

2 SAMUEL 12:20 ပူးပေါင်းရင်းမြစ်များ

2 SAMUEL 12:19

Nacini'na Daud a'bici'-bici' anjo sikamma ata-atanna, napahammi angkanaya matemi anjo anaka. Nampa akkuta'nammi mae ri ke'nanga angkana, “Apaka matemi anjo anaka?” Appialimi ke'nanga angkana, “Matemi karaeng.”

2 SAMUEL 12:21

Nacini'na anjo kammaya, nakanamo sikamma ata-atanna ri ia, “Tena napahangi ikambe karaeng. Ri wattunna attallasa' ija anjo anaka appuasaki' siagang angngarrukki', mingka lalang matenamo ambangungki' nai' nampa angnganre!”

2 SAMUEL 14:2

lanri kammana anjo assuro allemi sitau baine porea akkala'na niaka ammantang ri Tekoa. Ri wattunna battumo anjo bainea, angkanami Yoab ri ia, “Musti assara-saraiki' kamma tau susa kamateang ibu'; ammakeki' pakeang tau susa kamateang, siagang teaki' ammakei minynya' bau'. Kipare' kammai kalenta baine salloamo angngarru' lanri matenamo tau kingaia.

2 SAMUEL 19:24

Kammayatompa Mefiboset cucunna Saul, battu tongi untu' anruppai karaenga. Tena nanabissai bangkenna, tena nanacukkuruki janggo'na, siagang tena nanasassai pakeanna baku'na nabokoi Karaeng Daud Yerusalem sa'genna ammotere' siagang salama'.

2 SAMUEL 6:17

Anjo Patti Parjanjianga nipadongkoki lalang ri kema le'baka natannang Daud untu' anjo Pattia. Nampa assare Daud koro'bang nitunu siagang koro'bang passiamakkang mae ri Batara.

2 SAMUEL 7:18

Nampa antama' Karaeng Daud ri KemaNa Batara. Ammempoi nampa appala' doang angkana, “O, Batara Kaminang Tinggia, inakke siagang kaluargaku tena kusiratang antarimai sikontu kabajikang Kipappicinikanga mae ri nakke anne siapaya sallona.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

PAMMUJI 103:1

Battu ri Daud. Pujimi Batara, he nyawaku, sikontu pa'maikku, pujimi areng matangkasa'Na.

PAMMUJI 103:8

Saba' mangngamaseangi na mangngarimangngi Batara, la'bu sa'bara' na alla'bi pangngamaseang.

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

PAMMUJI 95:6

Umba kisu'ju' anynyomba mae ri Ia, akkulantu' ri dallekanNa Batara, Tumapparetta.

PANGNGEBARANG 3:7

Teako nanukana kalennu la'bi cara'dekangangko na sitojennaya; turuki Batara siagang pakabellai kalennu battu ri ja'dalaka.

KATO'BA 9:8

Lappassammi accaya siagang singara' rupannu.

MATIUS 6:17

Mingka ikau ngaseng, punna appuasako, pira'nyuki rupannu siagang a'jangka baji'-bajikko,

LUKAS 7:46

Tena nanutumpai minynya' ulungKu, mingka anne bainea natumpaimi minynya'-minynya' bau' bangkengKu.

RUT 3:3

A'je'ne' mako kamma-kamma anne nampa ammakeko minynya'-minynya' mabau', siagang pakemi pakeannu kaminang ga'gaya. Nunampa a'lampa mange ri tampa' napanjamaia Boas anggiling gandung. Tayangi anjoreng sa'genna le'ba' angnganre siagang angnginung, mingka tea' lalo naassengi angkanaya niakko anjoreng.

1 SAMUEL 15:25

Mingka kamma-kamma anne, kupalaki ri katte bapa', kipammopporangi dosaku siagang ammotere' maki' mange ri Gilgal siagang inakke, sollangku akkulle assambayang mae ri Batara.”

1 SAMUEL 15:31

Jari ammotere'mi Samuel siagang ia mange ri Gilgal, nampa assambayammo Saul mae ri Batara.