2 SAMUEL 12:16 - KITTA' MATANGKASA'

¹⁶ Nampa appala' doammo Daud mae ri Batara sollanna akkulle ammolle ri garrinna anjo anaka. Appuasai siagang tunggala' bangngi attinro sipattang bujuru' ri dapara' bili'na.

2 SAMUEL 12:16 ပူးပေါင်းရင်းမြစ်များ

2 SAMUEL 12:15

Le'baki anjo ammotere'mi Natan mae ri balla'na. Anjo ana' bura'nena Daud nilassukanga ri Batsyeba jandana Uria, tu'guru' garrimmi lanri ero'Na Batara.

2 SAMUEL 12:22

Appialimi Daud angkana, “Iyo, memang appuasa' siagang angngarruka' lalang attallasa'na ija anjo anaka lanri kupikkiriki angkanaya: Gassingka lamangngamaseangi Batara mae ri nakke siagang Naerokangi attallasa' anjo anaka.

2 SAMUEL 13:31

Ammentemmi karaenga, nampa nakekke' pakeanna lanri si'nana nyawana, siagang napara'bami kalenna naung ri daparaka. Sikontu pagawena nakkekke' tommi pakeanna ke'nanga.

1 KARAENG-KARAENG 21:27

Le'baki Elia a'bicara, nakekke'mi pakeanna Ahab siagang ammakemi kaeng karung salaku pammatei ri sesse' lalanna, nampa appuasa. Manna ri wattunna tinro ammake tonji pakeang karung, siagang punna a'jappai tuli susana tanja'na.

NEHEMIA 1:4

Kulangngere'na anjo kabaraka, ammempoma' naung nampa angngarru'. Pirangallo arei tuli si'na kusa'ring pa'maikku. Tulusu' appuasama' siagang appala' doang ri Allata'ala,

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

PAMMUJI 50:15

Akkiokko mae ri Nakke ri wattu kasukkarang, iNakke lallappassangko, siagang lamammujiko mae ri Nakke.”

PAMMUJI 69:10

Sanna' lompona sumangakku lanri mangngaiku ri BallatTa, paccau-cauna tau anghinayaKi' natujui kalengku.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

YESAYA 26:16

Le'ba'mi Kihukkung ikambe; lalang ri kasukkarrang a'gilingi ikambe mae ri Katte, siagang appala' doang mae ri Katte, o Batara.

DANIEL 6:18

Le'baki anjo nisareimi se're batu lompo bawana anjo leanga; nasitempele'mi karaenga anjo batua siagang sitempele' karaeng kammayatompa sitempele'na sikamma tumalompoa, sa'genna tena manna sitau akkulle allappassangi Daniel battu ri anjo singa-singaya.

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

YUNUS 3:9

Barang ero'ji Allata'ala ampinrai ero'Na siagang tenamo Nalarro sa'genna tenamo ninjari panra'!”

LAMPA-LAMPANA 9:9

Tallungalloi takkullea accini', na anjo wattua tena sikalimo nangnganre siagang angnginung.

YOSUA 7:6

Sanna'mi si'nana pa'mai'na Yosua siagang sikamma pamimping umma'na Israel sa'genna nakekke'-kekke' pakeanna ke'nanga, siagang su'ju'mi ke'nanga sila'busu' allo ri dallekanna Patti ParjanjianNa Batara; nasareimi au ulunna ke'nanga salaku pammatei ri si'nana pa'mai'na ke'nanga.