2 SAMUEL 12:10 - KITTA' MATANGKASA'

¹⁰ Lanri tena numappilangngeri ri Nakke siagang lanri nuallena bainenna Uria, jari lalang tunggala' jari-jarinu tuli lania' lamate nibuno.

2 SAMUEL 12:10 ပူးပေါင်းရင်းမြစ်များ

PA'JARIANG 20:3

Ri se'reang bangngi Napappicinikammi KalenNa Allata'ala mae ri anjo karaenga lalang so'na, na Nakana, “Lamateko, lanri nuallena anjo bainea, lanri nia'mo bura'nenna.”

2 SAMUEL 18:33

Nalangngere'na anjo kabaraka, sanna'mi si'nana nyawana karaenga, nampa nai'mo ri kamaraka irateanna pakke'bu' lompoa angngarru' nakana, “O anakku! Anakku Absalom! Absalom anakku! Bajikangngang inakkemo mate ansambeangko, anakku! Absalom, anakku!”

1 KARAENG-KARAENG 15:5

Kammaminjo Nagaukang Batara lanri nipakasannangi atinNa ri Daud. Tena nale'ba' Daud ambalang parekangi parenta-parentaNa Batara, pantaranganna ri parkarana Uria, anjo tau battua ri Het.

PANGNGEBARANG 17:13

Inai ambalasaki kabajikanga siagang kaja'dallang, takkulle tongangngai nipasulu' kaja'dallanga battu lalang ri balla'na.

AMOS 7:9

Tampa'-tampa' napakea jari-jarina Ishak untu' anynyomba laniancuruki. Tampa'-tampa' matangkasa'na tu Israel laniruntungi. LaKuputtai jari-jarina Yerobeam.”

PAMMILANGNGANG 11:20

mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

MATIUS 26:52

Mingka angkanami Isa ri ia, “Poterangi antama' ri banoanna antu kalewanga; nasaba' inai-nai akkarena kalewang, iami lanipanraki ri kalewang.

MATIUS 6:24

“Takkulleai se'rea tau ampa'jari atai kalenna mae ri ruaya karaeng. Nasaba' nia' lanangai, nania' latanajampangia kananna. Yareka la'bi a'dakkikangngangi mae ri se'reanga na maraengannaya. Ikau kamma tommako anjo. Takkulleako lampa'jari atai kalennu mae ri Allata'ala, punna nupa'jari ata todong kalennu mae ri pa'barang-baranganga.

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.