2 SAMUEL 11:8 - KITTA' MATANGKASA'

⁸ Nampa nakanamo Daud mae ri Uria, “Ammotere' mako mae ri balla'nu siagang ammari-mari mako sinampe'.” Ri wattunna nabokoimo Uria balla' kakaraenganga, akkirimmi Daud hadia mange ri balla'na Uria.

2 SAMUEL 11:8 ပူးပေါင်းရင်းမြစ်များ

PA'JARIANG 18:4

Boli'mi kamma nakungngalle je'ne' untu' anbissai bangkenta ngaseng. Mae maki' ammari-mari poso irawanganna anne poko' kayua.

PA'JARIANG 19:2

nampa nakana, “O Karaeng-karaeng, maeki' assengka ri ballakku. Akkullei kibissai bangkenta nampa a'bangngiki' ri ballakku. Punna erokki', akkulleki' ambangung bari'basa' nampa kipannarrusu' jappata.” Mingka appialimi ke'nanga angkana, “Tarima kasi, boli'mi kamma ikambe anrinni a'bangngi ri paranna kotaya.”

PA'JARIANG 43:24

Nampa naantara' ke'nanga antama' ri balla'. Nasaremi ke'nanga je'ne' pa'bissa bangkeng. Kammayatompa keledaina ke'nanga nasaremi kanre.

PA'JARIANG 43:34

Nisarei ke'nanga kanre battu ri mejanna Yusuf, nampa Benyamin a'lappi limai batena nilayani na sikamma daenna maraenga. Nampa angnganremo siagang angnginummi ke'nanga siagang Yusuf sa'genna bassoro' ke'nanga.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 55:21

Le'ba' belaku nabunduki agang-aganna, nakaluppai janjinna.

YESAYA 29:15

Cilakai tau eroka ancokkoi rancanana battu ri Batara! Appanggaukang cokko-cokkoi ke'nanga, nampa nakapang angkana tena manna sitau anciniki yareka angngassengi apa nagaukang ke'nanga.

LUKAS 12:2

Nasaba' tenanniakka apa-apa taccokko talakacinikang; yareka tenanniakka apa-apa nirahasiakang talakaassengang.

LUKAS 7:44

Nacinikimi Isa anjo bainea, nampa Nakana ri Simon, “Nuciniki anne bainea? BattuA' anrinni ri balla'nu, natena nupasadiangA' je'ne' pa'bissa bangkeng; mingka anne bainea natangkasi bangkengKu siagang je'ne' matanna, nampa nalu'lu' siagang uu'na.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.