2 SAMUEL 11:26 - KITTA' MATANGKASA'

²⁶ Ri wattunna nalangngere' Batsyeba angkanaya matemi bura'nenna, susa kamateammi.

2 SAMUEL 11:26 ပူးပေါင်းရင်းမြစ်များ

PA'JARIANG 27:41

Jari a'jari birisi'mi Esau mae ri Yakub, lanri le'ba'na napassareang barakka'na manggena mae ri anjo andi'na. Nakanamo nawa-nawana, “Tenamo nasallo namate bapakku. Punna le'ba' ta'lappasa' allo kasusaanga, lakubunoi anjo Yakub!”

PA'JARIANG 50:10

Ri wattunna anrapi' ke'nanga ri tampa'na tau appatunrunga gandung, iamintu ri Goren-Haatad, irayanganna Binanga Yordan, appiraung lompomi ke'nanga napakamma si'na. Appare'mi Yusuf acara kasusaang tuju allo sallona.

2 SAMUEL 11:25

Nakanamo Daud ri anjo tunisuroa, “Pakajarreki pa'mai'na Yoab siagang pauangi sollanna tena naca'di pa'mai'na, nasaba' takkulleai nitappu angkanaya inai lamate lalang ri pa'bundukanga. Pauangi sollanna napakajai siagang la'bi naterassi majua mae ri anjo kotaya sa'genna tundu' anjo kotaya.”

2 SAMUEL 14:2

lanri kammana anjo assuro allemi sitau baine porea akkala'na niaka ammantang ri Tekoa. Ri wattunna battumo anjo bainea, angkanami Yoab ri ia, “Musti assara-saraiki' kamma tau susa kamateang ibu'; ammakeki' pakeang tau susa kamateang, siagang teaki' ammakei minynya' bau'. Kipare' kammai kalenta baine salloamo angngarru' lanri matenamo tau kingaia.

2 SAMUEL 3:31

Nampa naparentakang Daud mae ri Yoab siagang ana' buana sollanna nakekke' pakeanna ke'nanga, siagang ammake kaeng tanra kasusaang kamateang kammayatompa nanakarruki Abner. Siagang ri wattunna niantara' mayaka, kalenna Karaeng Daud a'jappa ri bokona patti tumatea.

1 KARAENG-KARAENG 21:16

A'lampami linta' Ahab mange angngallei anjo koko anggoroka, nampa napa'jarimo kalenna pata.

PAOLE 34:8

Appare'mi upacara kasusaang bansa Israel tallumpulo allo ri lappara'na Moab lanri kamateanna Musa.

1 SAMUEL 31:13

Sikontu buku-bukunna dipasse'rei nampa ditarawang irawanganna se'reang poko' kayu ri anjo kotaya. Nampa appuasa ke'nanga tuju allo sallona.