2 SAMUEL 11:11 - KITTA' MATANGKASA'

¹¹ Appialimi Uria angkana, “Tantara Israel siagang Yehuda sitabangi a'bundu' tojeng-tojeng siagang nirurungangi ke'nanga ri Patti ParjanjianNa Batara; Yoab panglimana ikambe siagang sikamma perwiraya niaki akkema ri paranga. Angngapa naanne atanta ammotereki mae ri balla', angnganre angnginung siagang attinro siagang bainenna? Lanri nyawana karaengku siagang lanri nyawana atanta, tena nalanagaukang atanta anjo kammaya!”

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Nipauammi Daud anjo passalaka. Jari akkuta'nammi ri Uria angkana, “Silalonnu ammotere' battu ri pa'jappang bellaya, angngapa natena nummotere' mae ri balla'nu?”

2 SAMUEL 14:19

Nakanamo karaenga, “Maka Yoab anne assuroko?” Appialimi anjo bainea angkana, “Lanri nyawata karaeng, tena olona atanta lakkulle alliliangi kalenna battu ri pakkuta'nanta karaeng. Kammatojengi karaeng, Yoab ampauangi atanta apa musti nagaukang siagang napau atanta.

2 SAMUEL 20:6

Nampa nakanamo karaenga mae ri Abisai, “Anjo Seba la'bi lanasusaiki' na Absalom. Lanri kammana anjo erangi ana' buaku nampa nuondang, sollanna tena naempoi kota-kota niaka pattahanganna, nampa akkulle lari battu ri katte.”

2 SAMUEL 7:2

Jari nakanamo karaenga ri Na'bi Natan, “Ciniki, anne inakke ammantanga' lalang ri balla' kakaraengang nipareka battu ri kayu camara Libanon, nampa Patti Parjanjianna Allata'ala poro niboliki bawang lalang ri kemaya!”

2 SAMUEL 7:6

Baku'na Kulappassang bansa Israel battu ri Mesir sa'genna kamma-kamma anne, tena le'baKa' ammantang lalang ri se'reang balla', passangalinna a'la'bangA' tuli a'lampa siagang lalangA' ri kemaya ammantang.

PAMMILANGNGANG 32:6

Appialimi Musa angkana, “Angngapa nulammantang anrinni nampa a'lampa julu bansanu a'bundu'?

YOHANES 13:14

Jari punna iNakke Gurunnu siagang Bataranu ambissai bangkennu ngaseng, kamma tomminjo musti ero' tongko massing sibissaiang bangkennu.

2 TIMOTIUS 2:12

Punna tuli sa'barakki' lammarenta tommaki' siagang Ia. Punna tanitarimayai, talaNatarimaya tommaki'.

1 SAMUEL 1:26

Nakana Hana mae ri Eli, “Pammopporanga' bapa'. Kiu'rangi ija' bapa'? Inakke minne baine le'baka kicini' ammenteng anrinni, appala' doang mae ri Batara.

1 SAMUEL 14:18

Nakanamo Saul ri Imang Ahia, “Erangi anjo efodka mae anrinni.” (Anjo alloa Ahia angngerangi anjo efodka ri dallekanna tu Israel.)

1 SAMUEL 17:55

Nacini'na Saul a'lampa Daud mange angngewai Goliat, akkuta'nammi ri Abner panglima tantarana angkana, “Abner, inai ana' anjo?” Appialimi Abner angkana, “Tanaassengai atanta karaeng.”

1 SAMUEL 20:3

Appialimi Daud angkana, “Baji' naassenna manggenu angkanaya nungaia'. Jari tantu tena naero' ampauangko anjo passalaka sollanna tena nusi'na. Manna pole antekamma, lanri Batara attallasaka, sikontutojenna tallasakku sanrapangi bayao ta'dongkoka ri cappa' tanru'!”

1 SAMUEL 25:26

Napisangkaiki' Allata'ala untu' annuntu' pambalasang siagang ambunoi musu-musunta. Nampa kamma-kamma anne karaeng, lanri Batara mattallasaka, assumpai atanta, tapporo sarenna sikontu musunta siagang sikamma tau eroka ancilakaiki' sangkammai sarenna Nabal.

1 SAMUEL 4:4

Nampa nia'mo tau nasuro ke'nanga mange ri Silo untu' angngallei Patti ParjanjianNa Batara, a'jaria empoang kala'biranNa Batara Kaminang Koasaya. Ruaya ana'na Eli, iamintu Hofni siagang Pinehas, anrurungangi anjo Patti Parjanjianga.