2 SAMUEL 10:19 - KITTA' MATANGKASA'

¹⁹ Ri wattunna sikamma karaeng nikoasaia ri Hadadezer nacini'mi angkanaya nibetami ke'nanga ri tantara Israel, napala'mi ke'nanga assibajiki nampa tundu' mae ri tu Israel. Appakkaramula anjo wattua tenamo nabarani tu Siria ambantui tu Amon.

2 SAMUEL 10:19 ပူးပေါင်းရင်းမြစ်များ

2 SAMUEL 8:3

Nampa nabeta Daud Karaeng Hadadezer ana'na Rehobot ammarentaya ri Zoba, iamintu se're kakaraengang ri ampi'na kota Damsyik. Anjo wattua sitabangi lalang jappana Hadadezer ero' ampakajarreki ammotere' kakoasanna mae ri daera niaka ri ampi'na ulunna Binanga Efrat.

2 SAMUEL 8:6

Nampa ambangung Daud pakkemaang-pakkemaang tantara lalang ri daerana ke'nanga, siagang tundu'mi ke'nanga kammayatompa a'bayara' passare mae ri ia. Nisarei Daud ri Batara pammetang manna pole kemae napa'bunduki.

1 KARAENG-KARAENG 20:1

Ri se'reang allo, Benhadad, karaeng Siria, napa'rappungangi sikontu tantarana, siagang 32 karaeng maraeng siagang kareta pa'bundukang siagang jaranna ke'nanga, nakurungi siagang nabunduki kota Samaria.

1 PATTOTTORANG 19:19

Ri wattunna nacini'mo sikamma karaeng nikoasaia ri Hadadezer angkanaya nibetami ke'nanga ri tantarana Israel, appala' damemi ke'nanga mae ri Daud, natundu' mae ri ia. Le'baki anjo taerokami tu Siria ambantui pole tu Amon.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

DANIEL 2:37

Karaengku mala'birika, iami karaenna sikamma karaenga; ikattemi karaeng kaminang makoasaya. Allata'ala ri suruga le'ba' assareki anne kakaraenganga, kakoasanga, kagassinganga siagang kalompoanga.

YOSUA 11:10

Le'baki anjo ammotere'mi Yosua, nampa naalle Hazor, iamintu kakaraengang kaminang kassaka ri sikontu kakaraengang niaka anjoreng anjo wattua. Natunumi anjo kotaya, kammayatompa nabunoi karaenna siagang sikontu pandudu'na; tena manna sitau nalappassang attallasa'.

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.