2 SAMUEL 10:18 - KITTA' MATANGKASA'

¹⁸ Mingka nitunrungi ri tu Israel tantarana tu Siria. Daud siagang pasukanna nabunoi 700 tau paerang kareta pa'bundukang, siagang 40.000 tau tantara a'jarang; pantaranganna anjo Sobakh, panglima tantarana musua sarring tongi loko'na sa'genna mate ri tampa' pa'bundukanga.

2 SAMUEL 10:18 ပူးပေါင်းရင်းမြစ်များ

2 SAMUEL 10:17

Nalangngere'na Daud anjo passalaka, napa'rappungammi linta' sikontu pasukang Israel, nampa a'limbang ri Binanga Yordan, nampa maju mange ri Helam. Anjorengi naatoro' tu Siria barisanna ke'nanga nampa maju ambunduki pasukanna Daud.

2 SAMUEL 8:4

Natahangi Daud nia' 1.700 tau tantara a'jarang siagang 20.000 tau tantara a'jappa bangkeng. Napesoki kabusu'mi sikontu jaranga, pantaranganna siapa are jaina, anggannaka untu' sibilangngang kareta pa'bundukang.

1 KARAENG-KARAENG 11:24

Le'baki Karaeng Daud ambetai Hadadezer siagang ambunoi agang-aganna Hadadezer battua ri Siria. Anjo wattua lari Rezon battu ri Hadadezer siagang napa'rappungangi taua nampa a'jari kapala garombolang. Ia siagang ana' buana a'lampai mange ri Damsyik, nampa ammantang anjoreng ri anjo kotaya. Anjoreng niangka'mi ri ana' buana a'jari karaeng Siria.

1 PATTOTTORANG 19:18

sa'genna nitunrummo ammunduru' tantarana Siria ri tantarana Israel. Nabunomi Daud siagang pasukanna 7.000 jaina tau paerang kareta pa'bundukang siagang 40.000 jaina tantara a'jappa bangkeng. Sobakh, panglimana tantara Siria nibuno tommi.

PAMMUJI 18:38

Kiondangi musungku nampa Kibeta ke'nanga, siagang tammono'bokoaKi' sa'genna posso' ke'nanga.

PAMMUJI 46:11

Nakana, “Pammari a'bunduka; assengi, angkana iNakke anne Allata'ala, iNakke malompo ri alla'na bansa-bansaya, malompo ri sikontu linoa.”

PAMMUJI 68:2

Ammentemmi Allata'ala ampasisa'la'-sa'laki musunNa, tau birisika ri Ia larimi battu ri dallekanNa.

HAKING-HAKING 4:2

Jari nibalang parekkammi ke'nanga ri Batara, na nibeta ri Yabin, iamintu karaeng Kanaan, ammantanga ri kota Hazor. Ia panglimana ke'nanga niarengi Sisera, ammantanga ri Haroset-Hagoyim.

HAKING-HAKING 4:22

Ri wattunna battu Barak amboyai Sisera niruppaimi ri Yael na nakanamo ri ia, “Maeki', nakupaccinikangki' anjo tau kiboyaya.” Antama'mi Barak siagang Yael. Nacini'mi Sisera matemo ammonrang rawa ri buttaya siagang nia' patto' tattinting ri pilisi'na.

HAKING-HAKING 5:26

Palu-palu napatto' napake ambunoi Sisera sa'genna ancuru' ulunna.