2 SAMUEL 10:16 - KITTA' MATANGKASA'

¹⁶ Nampa nasuro kio' Karaeng Hadadezer tu Siria niaka irayanganna Binanga Efrat, sa'genna battumo ke'nanga mange ri Helam nipimping ri Sobakh, panglima tantarana Karaeng Hadadezer battu ri Zoba.

2 SAMUEL 10:16 ပူးပေါင်းရင်းမြစ်များ

2 SAMUEL 10:15

Naassemmi kalenna tu Siria angkanaya nibetami ke'nanga ri tu Israel, lanri kammana anjo nakio'mi ke'nanga sikontu pasukanna sollanna a'rappungang ammotere'.

2 SAMUEL 10:17

Nalangngere'na Daud anjo passalaka, napa'rappungammi linta' sikontu pasukang Israel, nampa a'limbang ri Binanga Yordan, nampa maju mange ri Helam. Anjorengi naatoro' tu Siria barisanna ke'nanga nampa maju ambunduki pasukanna Daud.

1 KARAENG-KARAENG 11:23

Napa'jari tommi Allata'ala anjo Rezon, ana'na Elyada ammusui Salomo. Rezon iamintu ata laria battu ri karaenna iamintu Karaeng Hadadezer battu ri Zoba.

1 PATTOTTORANG 18:3

Nampa nabeta Daud Karaeng Hadadezer, iamintu karaeng ri Zoba ri ampi'na daera Hamat di pa'rasangang Siria. Anjo wattua sitabangi lalang pa'jappang Hadadezer untu' mange angkoasai daera niaka ri ampi'na ulunna Binanga Efrat.

1 PATTOTTORANG 18:5

Akkirimmi tu Siria battu ri Damsyik tantara untu' ambantui Karaeng Hadadezer, mingka nabeta tongi Daud ke'nanga siagang nia' 22.000 jaina tau nabuno.

1 PATTOTTORANG 19:16

Naassemmi kalenna tu Siria angkanaya nibetami ke'nanga ri tu Israel. Jari nakio'mi tantarana ke'nanga battua ri daera bageang rayanganna Binanga Efrat, nampa nasuro anjo tantarana ke'nanga a'bundu' na nipimping ri Sobakh, panglima tantarana Hadadezer Karaeng Zoba.