2 SAMUEL 10:12 - KITTA' MATANGKASA'

¹² Pakajarreki nyawanu. Umba kibarjuang siagang barani untu' bansata siagang untu' kota-kotaNa Allata'alata. Dasi-dasi naNagaukang Batara apa Nakaerokia.”

2 SAMUEL 10:12 ပူးပေါင်းရင်းမြစ်များ

2 SAMUEL 10:11

Nakana Yoab ri anjo andi'na, “Punna tenamo kukkulle attahang andallekangi tantara Siria, akkaro-karoko ambantua'; na kabalekanna, punna tenamo nukkulle attahang andallekangi tantara Amon, labattua' ambantuko.

2 SAMUEL 15:26

Mingka punna tena Nangaia', lappassammi apa-apa mamo kajariang situru' ero'Na mae ri kalengku.”

1 PATTOTTORANG 19:13

Sa'barakko! Umba kibarjuang siagang barani untu' bansata siagang untu' kota-kotaNa Allata'alata. Tapporo Nagaukang Batara apa Nakaerokia.”

2 PATTOTTORANG 32:7

“Sa'barakko siagang pakajarreki tappa'nu; teako mallakki mae ri karaeng Asyur yareka mae ri pasukanna. La'bi kassakangngangki' ikatte na anjo ke'nanga.

NEHEMIA 4:14

Kucini'na angkana mallaki ra'yaka, kukanamo ri ke'nanga siagang ri tutoa-toana kammayatompa sikamma pamimpinna ke'nanga, “Teako mallaki ri musua! Angngu'rangiko mae ri Batara makassaka siagang sannaka heba'na, siagang barjuangko untu' sikamma sari'battannu, ana'-ana'nu, bainennu kammayatompa balla'nu.”

NEHEMIA 4:8

Assitujumi ke'nanga ero' ambunduki Yerusalem untu' appare' karicuang.

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

PAMMILANGNGANG 13:20

Pakajarreki pa'mai'nu. Ciniki apaka coppongi buttana siagang jai poko'-poko' kayuna. Teako takkaluppai angngerang ammotere' sike'de' rappo-rappoang attimboa anjoreng.” Anjo wattua pakkaramulami wattu anggoroka.

1 KORINTUS 16:13

Paralluko tutu siagang jarre' tappa'nu lalang ri katallassannu salaku tu Karisteng. Pa'baraniangi kalennu anggaukangi jama-jamannu siagang a'jariko tau magassing lalang ri katallassannu.

PAOLE 31:6

Paralluko majarre' pa'mai' siagang barani! Teako mallakki mae ri ke'nanga! Karaeng Allata'alanu KalenNa lantulungko. Tena nalaNapassalasako siagang tena nalaNabokoiko.”

PAOLE 31:7

Nampa nakio' Musa anjo Yosua, siagang ri dallekanna sikontu bansa Israel nakanamo ri Yosua, “Paralluko majarre' pa'mai' siagang barani, Yosua! Ikau lampimpingi anne bansaya untu' ampammantangngi pa'rasangang Napa'janjianga Batara mae ri boe-boena ke'nanga.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”

YOSUA 1:18

Inai-nai taeroka mannuruki ri kakoasannu, yareka taeroka mannuruki ri parentanu, lanihukkung matei. Paralluko tappa' siagang barani!”

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

HAKING-HAKING 10:15

Mingka nakanamo umma' Israel mae ri Batara, “Dorakami ikambe, Batara. Kigaukammi manna apa erotTa, assala' Kitulungi ikambe anne alloa.”

1 SAMUEL 14:12

Nampa akkio' ke'nanga mae ri Yonatan siagang atanna angkana, “Naikko mae sollanna napaccinikangko ikambe se'reang apa-apa!” Nakanamo Yonatan ri anjo turungkaya, “Pinawanga', nasaba' Napassareammi Batara anjo ke'nanga mae ri tu Israel.”

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”

1 SAMUEL 17:32

Nakanamo Daud ri Saul, “Karaeng, tena niparallu malla' ri anjo tu Filistin! Sadiai atanta untu' angngewai.”

1 SAMUEL 3:18

Nampa napau ngasemmo Samuel mae ri Eli. Tena manna se're nacokkoi. Nampa nakanamo Eli, “Iami Batara, boli'mi kamma Nagaukang apa Nakanaya baji'.”

1 SAMUEL 4:9

Pa'baraniangi nyawanu, ikau tu Filistin! A'bundu' mako sangkamma bura'ne. Punna tena, lanapa'jariko ata anjo tu Ibrania, sangkamma ke'nanga riolo a'jari atai mae ri kau ngaseng. Lanri kammana, a'bundu' mako siagang barani!”