2 SAMUEL 1:21 - KITTA' MATANGKASA'

²¹ He, bulu'-bulu'na Gilboa, pilangngeri pakkiokku: Gassingka nabasaiko saliuka siagang bosia! Lappassangi kalotoro' naroso' kokonnu siagang parannu. Nasaba' anjorengi tassambila pa'lapa' pa'bundukanna tu baranaia. Na taiang tommo pa'lapa' pa'bundukanna Saul, tenamo naniminyaki pole.

2 SAMUEL 1:21 ပူးပေါင်းရင်းမြစ်များ

1 PATTOTTORANG 10:1

A'bunduki tu Filistin siagang tu Israel. Anjorengi ri monconna Gilboa ke'nanga a'bundu'. Jai tu Israel mate anjoreng. Na ia niaka ammantang siagang Karaeng Saul siagang ana'-ana'na larimi.

1 PATTOTTORANG 10:8

Ammukona ri wattunna battu tu Filistin ero' angngalleangi apa-apanna sikamma anjo tau matea, nabuntulu'mi maya'na Saul siagang tallua ana' bura'nena, ia matea ri monconna Gilboa.

KELONG MALA'BIRI' 4:4

Kallonnu rapangi menara Daud, nibangunga untu' pammolikang sanjata. Rantenu kammai sisa'bu pa'lapa', palu-palunna ngaseng tubarania.

YESAYA 21:5

Nia' todong kucini' parjamuang pa'rannu-rannuang, ia le'baka memammo nipasadia; sadia tommi empoanga untu' sikamma undanganga. Angnganre angnginungi ke'nanga. Ti'ring nia'mo kalangngerang parenta angkana: “He, sikamma perwiraya! Pasadia ngasengi pa'lapa' barambannu!”

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YEHEZKIEL 31:15

Kammami anne kananNa Batara Kaminang Tinggia, “Punna naung anjo poko' kayua ri linona tau matea, laKusuroi je'ne' rawa buttaya angngammei salaku pammatei kasusaang. LaKutahangi passolonna je'ne' binangaya siagang laKujempangi sikamma pangka binangaya. Lanri matemi anjo poko' kayua, lappabattuMa' sassang mae ri sikamma Moncong Libanon siagang Kupa'jari kalumeng kabusuki poko'-poko' kayua ri romanga.

YO"EL 1:9

Tenami gandunga siagang anggoroka lalang ri Balla'Na Batara. Nasusa rapang tukamateammo sikamma imanga tamamminraya allayani Batara.

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

HAKING-HAKING 5:23

“Tunrai Meros, nabonena, nasaba' battuna ke'nanga teai untu' ambantu a'jari pahlawang barjuanga untu' Batara, kammanjo kananna Malaeka'Na Batara.”

1 SAMUEL 10:1

Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

1 SAMUEL 31:1

Lalanna anjo wattua tu Filistin a'bunduki siagang tu Israel ri pa'moncongang Gilboa. Jai tu Israel mate anjoreng, na maraengannaya, kammayatompa Saul siagang ana'-ana' bura'nena larimi.

1 SAMUEL 31:8

Ammukona, ri wattu battuna tu Filistin untu' angngallei apa-apa niaka ri kalenna mayaka, nabuntulu'mi ke'nanga Saul siagang tallu ana'-ana' bura'nena mate ri pa'monconganna Gilboa.