2 SAMUEL 1:12 - KITTA' MATANGKASA'

¹² Angngarru'mi ke'nanga siagang susami. Kammayatompa appuasami ke'nanga sa'genna bangngi lanri Saul siagang Yonatan, siagang lanri ra'ya' Israel, umma'Na Batara, lanri teai sipato' jaina mate lalang anjo pa'bundukanga.

2 SAMUEL 1:12 ပူးပေါင်းရင်းမြစ်များ

2 SAMUEL 3:35

Sikabusu'na alloa taua anynyonyoki Daud sollanna angnganre sike'de', mingka assumpai angkana, “Poro Nabuno laloa' Allata'ala punna angnganrea' lalang tenanapa nalabu alloa!”

PANGNGEBARANG 24:17

Teako sannangngi pa'mai'nu punna natuju bala musunnu, siagang teako rannui punna tu'guruki.

YEREMIA 9:1

Tamaka baji'na ka'de' ulungku rapangi bungung rassia je'ne', na matangku rapangi salu' je'ne' tulusu' assolonga je'ne'na! Nakuakkulle angngarru' allo bangngi, angkarruki julu bansaku nibuno ri musu.

AMOS 6:6

Angnginungko anggoro' battu ri pangnginungang niboneia sa'genna rassi, siagang ammakeko minynya' bau' kaminang bajika, mingka tena nasi'na pa'mai'nu mae ri kaancuranna Israel.

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

2 KORINTUS 11:29

Punna nia' tau lamma, amminawang tonga' lamma kusa'ring. Punna nia' tau tu'guru' naung ri dosaya, posso' tongi nyawaku kusa'ring.

1 PETRUS 3:8

Bodona kana iaminne: parallu ngasengko ma'julu kana siagang majulu pa'mai'. Paralluko sikarimangngi sangkamma tau assari'battanga. Siagang paralluko sikama'-kamaseang siagang tuna ri pa'mai'.

1 SAMUEL 31:13

Sikontu buku-bukunna dipasse'rei nampa ditarawang irawanganna se'reang poko' kayu ri anjo kotaya. Nampa appuasa ke'nanga tuju allo sallona.

1 SAMUEL 31:6

Kammaminjo Saul siagang tallu ana' bura'nena, siagang sikontu ana' buana kammayatompa anjo turungkaya mate ngasemmi ri wattu anjo allo se'rea.