2 SAMUEL 1:10 - KITTA' MATANGKASA'

¹⁰ Jari a'reppese'mi atanta mae ri ia nampa nabuno, lanri naassengi atanta angkanaya punna tu'guruki lanri tanakulleami ammenteng poleang, ma'nassa tena tamatenaja. Nampa naalle atanta songko' kakaraenganna battu ri ulunna siagang ponto niaka ri limanna, nampa naerang atanta mae anrinni ri karaengku.”

2 SAMUEL 1:10 ပူးပေါင်းရင်းမြစ်များ

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

2 SAMUEL 1:9

Nampa nakanamo ri atanta, ‘Maeko, na nubunoa'! Sarringi lokokku, siagang a'birimma' mate.’

2 SAMUEL 12:30

Naallemi Daud songko' kakaraenganga battu ri ulunna karaenna ke'nanga nampa napake kalenna ri ulunna. Anjo songko' kakaraenganga battala'na nia' kira-kira 35 kilo siagang nibelo-beloi paramata ga'ga. Sanna' todong jaina naerang Daud barang-barang nirampasaka battu ri anjo kotaya.

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

PIRAUNG 5:16

Tenami kalompoanna ikambe cilakami ikambe napakamma doraka.

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

HAKING-HAKING 1:7

Angkanami Adoni-Bezek, “Riolo nia' tujupulo karaeng le'ba' kupolong anrong limanna siagang anrong bangkenna; nampa kusare ke'nanga angkanrei sesa-sesa kanre tu'guruka battu ri mejangku. Kamma-kamma anne Nagau'ma' Allata'ala sangkamma apa le'baka kugaukang mae ri ke'nanga.” Nierammi Adoni-Bezek mange ri Yerusalem. Nanjoremmo mate.

HAKING-HAKING 9:54

Akkaro-karomi Abimelekh angkioki turungka papisang sanjatana na nakana, “Bi'buki pa'dannu nampa nubunoa', tena kuero' nipakkanai nibuno ri tu baine.” Jari nitobo'mi ri anjo tu rungkaya sa'genna mate.

1 SAMUEL 22:18

Lanri kammana nakanamo Saul ri Doëg, “Lintakko! Ikaumo ambunoi anjo ke'nanga!” Jari majumi Doëg nampa nabuno ngaseng anjo imang-imanga. Anjo alloa nia' sagantujupulo allima imang nabuno, ia imang akkullea ammake baju efod.