2 PETRUS 3:3 - KITTA' MATANGKASA'

³ Uru-urua, musti nuassengi angkanaya ri allo-allo kala'busanga sallang, lania' ammumba sikamma tau nikoasaia katallassanna ri hawa napasu kalenna. Lanacau-cauko ke'nanga,

2 PETRUS 3:3 ပူးပေါင်းရင်းမြစ်များ

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

PANGNGEBARANG 14:6

Tau tampoa tena nala'jari cara'de', mingka tau cara'deka gampangi appilajara'.

PANGNGEBARANG 3:34

Nakabirisi Batara tau tinggi langgaya, mingka Nabarakkaki tau tuna pa'maika.

YESAYA 28:14

Pilangngeri apa Napaua Batara, he sikamma tupacau-caua, ammarentaya ra'ya' Yerusalem!

YESAYA 29:20

Iaminjo kale'bakkanna sikamma tau anjallakkangai paranna tau siagang anghinayai Allata'ala. LaNahukkungi Allata'ala sikontu tau dorakaya,

YESAYA 5:19

Nukana, “Lappassammi angngalle linta' tindakang Karaeng, Allata'ala matangkasa'na Israel! Boli'mi kamma Nagaukang rancanaNa, sollanna niciniki siagang niassengi.”

HOSEA 7:5

Ri allo passua'-suarranna karaenga, napainungi ke'nanga karaenna siagang sikamma pagawe-pagawena karaenga sa'genna nasa'ring siagang nagaukang katoloanga. Kale'bakkanna assannang-sannammi karaenga siagang sikamma anjo tau a'bali' ballanga.

YOHANES 12:48

Inai-nai ansorongbokoA' siagang tanapilangngeriai kanangKu, nia'mo angngadeli anjo taua. Iaminjo kana-kanangKu Kupabattua langngadeli sallang ri Allo Kiamaka.

2 KORINTUS 4:2

Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.

2 TIMOTIUS 3:1

U'rangi anne: Ri allo-allo kala'busanga sallang, lajai kasusaang battu.

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.

2 PETRUS 1:20

Mingka iaminne kaminang parallu sikalia nuu'rangi: Anjo apa-apa lakajarianga sallang, nisero kanaya ri biritta battua ri Allata'ala, takkulleai nibattuangngi situru' pikkirang kalenta.

2 PETRUS 2:10

la'biangang sikamma tau anturukiai kaerokang kalenna sannaka ra'masa'na siagang anghinayai kakoasanNa Allata'ala. Antekamma baranina siagang tampona anjo guru-guru takontutojenga, sa'genna manna apa attallasa' mala'birika ri suruga tamangngalika tongi ke'nanga anghinai!

1 YOHANES 2:18

Sikamma ana'-anakku, a'reppese'mi kala'busang jammanga! Le'ba' mako nipauang la'bi riolo angkanaya labattui MusunNa Almasi; na kamma-kamma anne jaimi ammumba musu-musunNa Almasi. Iaminjo a'jari pammatei angkanaya la'birimmi wattunna Allo Kiamaka.

YUDAS 1:16

Anjo taua tuli a'reku'na ngaseng giginna siagang tuli nasalakanna tau maraenga. Tuli naturukiangi ke'nanga apa nakaerokia pa'mai' dorakana ke'nanga. Napalecei kalenna ke'nanga, siagang a'bali' ballammi ke'nanga sollanna akkulle anggappa passawallang.

YUDAS 1:18

Napauang ngaseng mako la'bi riolo angkanaya punna a'reppese'mo Allo Kiamaka, lammumbami tau ancau-cauako, iamintu sikamma tau anturukiai ero' kaja'dallanna lalang ri katallassanna.