2 PETRUS 3:13 - KITTA' MATANGKASA'

¹³ Mingka ikatte nitayammi apa Napa'janjianga Allata'ala, iamintu langi' berua siagang butta berua, niaka kaadelang lalanganna.

2 PETRUS 3:13 ပူးပေါင်းရင်းမြစ်များ

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 65:17

Nakana Batara, “LaKupa'jari langi' berua siagang butta berua. Sikamma kajariang rioloa lanikaluppai siagang talaniu'rangiami.

YESAYA 65:25

Serigalaya siagang gimbalaka lasiagangi sipa'rukukang; singaya angnganre rarame sangkamma sapi, siagang ularaka tenamo bahayana. Ri sikontu bulu' matangkasakKu, tenamo lappakarugi siagang a'gau' ja'dala'.”

YESAYA 66:22

Rapang langi' beru siagang butta beru lattahanga lanri koasaKu, kamma tomminjo turungannu siagang arennu tuli lania'na.

ROMA 8:21

angkanaya nia' se're wattu nanilappassang sikontu linoa battu ri kakoasang ammanrakia siagang lamminawang tongi lanipamaradeka kammayatompa lanipakala'biri' siagang ana'-ana'Na Allata'ala.

2 PETRUS 1:4

Kammami anjo caraNa Allata'ala ampa'lammorangi barakka'-barakka' sannaka heba'na siagang sannaka lompona anggaranna mae ri katte, ia le'baka Napa'janjiang. Lanri iami anjo barakka'-barakkaka nakiakkullemo ta'lappasa' battu ri sikamma kaerokang ja'dalaka, akkullea angngerangi anne linoa mae ri possoka; sollanna nukkulle todong anggappa bageang lalang ri sipa' kakaraenganna.

PAPPICINI' 21:1

Nampa nia'mo kucini' langi' beru siagang lino beru. Tenami langi' uru-urua siagang lino uru-urua; kammayatompa tamparanga lanynya' tommi.

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.