2 PETRUS 3:12 - KITTA' MATANGKASA'

¹² lalang nutayanna siagang nupakalinta'na Allo kabattuanNa Allata'ala. Anjo Alloa lala'busuki nakanre pepe' langika, siagang lassolongi sikamma apa-apa niaka ri langi' napakamma bambang.

2 PETRUS 3:12 ပူးပေါင်းရင်းမြစ်များ

PAMMUJI 50:3

Battui Allata'alata siagang talammantangai a'mereki, a'jappa rioloi ri pepe' a'lepa'-lepaka, nikulilingi ri angnging sannaka lompona.

YESAYA 24:19

A'lattai buttaya, ta'lenggai, na ancuru'.

YESAYA 34:4

Mataalloa, bulanga siagang sikamma bintoenga laancuruki. Langika lanigulungi sanrapang gulungang karattasa'. Latu'guruki sikamma bintoenga rapang leko'-leko' kayu runanga battu ri poko' kayua.

MIKHA 1:4

Assolongi sikamma buluka irawa ri pala' bangkenNa kontui liling lalang pepe' a'rinraya; la'boroki buttana antama ri ka'bung-ka'bunga, rapang je'ne' irate bulu' a'lo'loro' naung.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MATIUS 16:28

U'rangi anne! Ri alla'nu anne hadereka anrinni, nia' talamateapi punna tenapa naciniki Ana' Ma'rupataua battu poleang a'jari Karaeng.”

FILIPI 1:6

KalenNa Allata'ala le'ba' ampakaramulai anne jama-jamang bajika ri kau; na tappaka' angkanaya Ia tommi lampannarrusuki anjo jama-jamanga sa'genna le'ba' ri Allo kabattuanNa ammotere' Isa Almasi.

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

2 PETRUS 3:10

Mingka lasanrapangi palukka' kabattuanna anjo Allo kabattuanNa Batara. Anjo Alloa lassa'ra lompoi gunturuka nalanynya' langika; sikamma apa-apa niaka ri langika lala'busuki nakanre pepe'. Kammayatompa lalanynyaki buttaya siagang sikontu apa-apa niaka lalang.

2 PETRUS 3:11

Nasaba' yangasenna anjo sikammaya laniancuru' kammai anjo batena, antekammami batenu musti attallasa'? Jari musti nutangkasimi katallassannu ri dallekanNa Allata'ala, siagang mappilangngeri mako mae ri Ia,

2 PETRUS 3:4

nakana, “Sai nukana a'janji Batara labattu! Kemaemi kamma-kamma anne? Matemi boe-boeta, mingka yangasenna apa-apaya tuli kammana ri uru nipa'jarina linoa!”

2 PETRUS 3:7

Mingka anne langika siagang buttaya ri kamma-kammaya anne, niparakaia todong siagang kananNa Allata'ala, laniancuru' tongi sallang siagang pepe'. Kamma-kamma anne niparakai iji langika siagang buttaya sa'genna narapi' allonna lanihukkung siagang niancuru' sikontu tau tenaya natappa' ri Allata'ala.

YUDAS 1:21

siagang tuli a'la'lang mako irawangang pangngamaseanNa Allata'ala, lalang nutayanna passareNa Batarata Isa Almasi, Ia lassareako katallassang sitojennaya siagang mannannunganga.