2 PETRUS 2:5 - KITTA' MATANGKASA'

⁵ Kammayatompa lino jammang rioloa, tena todong nalata'lappasa' battu ri hukkunganNa Allata'ala. Appabattui a'ba lompo Allata'ala antama' ri linona tau ja'dalaka anjo wattua. Nuh bawang siagang tuju tau maraengannaya nipasalama', lanri napa'la'banna Nuh biritta katallassang nipangngellaia ri atinNa Allata'ala.

2 PETRUS 2:5 ပူးပေါင်းရင်းမြစ်များ

PA'JARIANG 6:17

LaKupabattui a'ba lompoa untu' angngancuruki sikamma apa attallasaka ri lino. Lamate ngasengi sikontu apa niaka ri lino,

PA'JARIANG 6:9

Iaminne riwaya'na Nuh. Nia' ana'na tallu bura'ne, iamintu Sem, Yafet siagang Ham. Tena nagaukangi Nuh panggaukang salaya, siagang kale-kalenna bawang tau baji' ri anjo jammanga. Sibajiki sikali siagang Allata'ala lalang tallasa'na.

YEHEZKIEL 26:20

Nampa Kukiringko mange ri linona tau matea untu' asse're siagang tau battua ri jammang riolo dudu. Kubalang parekangko ammantang tuli ri anjo lino tau matea, ri tangnga-tangngana loro-loro satunggu-tunggua, asse're siagang tau matea. Jari tenamo nalanipammantangngi buttanu, siagang tenamo nanipasibilangko tau attallasaka.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

2 PETRUS 3:6

kammayatompa je'ne' todong, iamintu je'ne' a'ba nipake ampanraki anjo lino jammang rioloa.