2 PETRUS 2:15 - KITTA' MATANGKASA'

¹⁵ Sala oloammi ke'nanga, lanri tenana naero' anturuki oloang lambusuka. Oloang le'baka naolo Bileam ana'naya Beor riolo, naolo ke'nanga. Anjo Bileam a'gau' ja'dalaki lanri ero' duduna anggappa doe'.

2 PETRUS 2:15 ပူးပေါင်းရင်းမြစ်များ

1 KARAENG-KARAENG 18:18

Appialimi Elia angkana, “Teai inakke tau apparicua, mingka kalenna karaenga. Ikattemi siagang kaluargata apparicu. Lanri anynyombata ri barhala-barhala Baal, kidakkaimi parenta-parentaNa Batara.

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

NEHEMIA 13:2

nasaba' ri wattunna Israel lalang pa'jappang assulu' battu ri Mesir, anne ruaya bansa taerokai assare kanre siagang je'ne' ri anjo bansaya. Ba'lalo nagajimi ke'nanga Bileam untu' antunrai bansa Israel, mingka Allata'alata napinrai anjo pattunraya a'jari barakka'.’

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

HOSEA 14:8

Lammotereki ke'nanga mae ri Nakke nammamtang lalang ri la'langKu. Lintaki ke'nanga katambang kalumanynyanna, rapang gandung a'bakka' ri koko copponga buttana siagang rapang koko anggoro'. Rapang je'ne' anggoro' Libanon lamasahoroki arenna ke'nanga.

MIKHA 6:5

He ummakKu, u'rangi apa narancanakanga Balak karaeng Moab mae ri kau, siagang apa papialinna Bileam ana'na Beor mae ri ia. U'rangi apa kajarianga ri pa'jappannu ri alla'na pakkemaannu ri Sitim siagang Gilgal. Punna nuu'rangi ngasengi anjo sikammaya, lanusadarimi apa le'baka Kugaukang untu' ampasalamakko.”

PAMMILANGNGANG 22:23

Nacini'na nia' malaeka' ammenteng anjoreng anna'gala' pa'dang ta'bi'bu', ammengkami anjo keledaia, a'bilu' antama ri kokoa. Natunrummi Bileam anjo keledaia nampa naerang ammotere' mange ri aganga.

PAMMILANGNGANG 22:28

Nampa Napa'jarimo Batara akkulle a'bicara anjo keledaia. Nakanamo anjo keledaia mae ri Bileam, “Apa gaukku mae ri katte karaeng sa'genna kitunrunga' sa'genna pintallung?”

PAMMILANGNGANG 22:32

Akkuta'nammi malaeka'Na Batara angkana, “Angngapa nanutunrungi keledainu sa'genna pintallung? Battua' mae anrompaiko, nasaba' turu' ri panggappaku, tabajikai punna a'lampako.

PAMMILANGNGANG 31:16

Sai iaminjo sikamma tubai'-bainea anturuki pappaunju'na Bileam, sa'genna nanyonyo' umma' Israel ri Peor untu' ambokoi Batara? Siagang iaminjo appabattu bala mae ri umma'Na Batara!

MATIUS 26:9

Akkullei nibalukang ka'jala' anjo minynya'-minynyaka nampa nipassareang ballinna mae ri tau kasi-asia!”

LAMPA-LAMPANA 1:18

Anne lapung Yudas anggappami butta untu' jera'na, a'jari sawala'na ri gau' kaja'dallanna ampasikongkolangi Isa. Tu'guru'mi naung ri buttaya namate, pue battanna, sa'genna assulu' ngaseng parru'na.

LAMPA-LAMPANA 13:10

nampa nakana, “He, ikau paballe-balle lompoa, ana' tu sannaka ja'dala'na! Ikaumi musunna sikontu apa-apa bajika. Angngapa nutaeroka ampamari anrompa-rompai ero'Na Allata'ala untu' ampasalamaki rupataua?

2 PETRUS 2:13

Lanakasiaki ke'nanga kasessanga, a'jari pa'balasa' mae ri kasessang le'baka napare' ke'nanga. Ia nangaia ke'nanga iamintu tena masala nagaukang ri wattu singara'na alloa, sollanna napassukku' apa nakacinnanga tubuna ke'nanga. Punna simammempoangko siagang ke'nanga ri wattu pangnganre-nganreanga, sanna' appakaringi'na panggaukanna ke'nanga lanri nibengona ri hawa napasuna ke'nanga.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.