2 PETRUS 2:12 - KITTA' MATANGKASA'

¹² Mingka anjo guru-guru takontutojenga, teai sipato'! Sanrapang mami ke'nanga olo'-olo' nianakkanga untu' lanijakkala' siagang lanibunoa bawang. Tappikkirai ke'nanga, passangalinna kaerokang nyawanaji naturukiang. Sa'genna napakkanaimo ke'nanga apa-apa tanapahanga siagang kana-kana pahinaya. Lanri kammana, laposso' tommi ke'nanga sanrapang olo'-olo' sekkeka, passabakkang panggaukanna tonji ke'nanga.

2 PETRUS 2:12 ပူးပေါင်းရင်းမြစ်များ

PAMMUJI 49:10

sollanna akkulle a'lili battu ri kamateanga nakkulle attallasa' satunggu-tungguna.

PAMMUJI 92:6

Tamaka lompona sikamma panggaukanTa, o, Batara, tamaka lantanna sikamma pikkiranTa!

PAMMUJI 94:8

He bansaku, teako dongo' kammai anjo, appilajara' mako ampakei akkala'nu!

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

YEREMIA 10:21

Appialima' angkana, “Dongoki anjo pamimping-pamimpinta. Tena nappala' pitunju' ke'nanga mae ri Batara, iaminjo saba'na nasalasa ke'nanga, siagang kinipasiara'mo ri kere-keremae.

YEREMIA 10:8

Kapala batui siagang dongo' ngasengi ke'nanga nasaba' rewatana poro kayuji bawang, takkulleai angngajara' ri apa a'matu-matua.

YEREMIA 12:3

Mingka iKatte, o Batara, Kiassenga'. Kiciniki apa kugaukanga, siagang Kiassengi antekamma pa'maikku mae ri Katte. Kiembai anjo sikamma tau ja'dalaka assulu', erangi ke'nanga rapang gimbala' mange ri pamolonganga. Kijagai ke'nanga sa'genna narapi' wattunna nipolong ke'nanga.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

YEREMIA 5:4

Kupikkiriki angkanaya, “Ah, anjo ke'nanga poro ra'ya' biasaji bawang tenaya apa-apa naasseng. A'gau' toloi ke'nanga, lanri tanaassengai apa Nakaerokia siagang Natuntuka Karaeng Allata'ala battu ri ke'nanga.

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

MARKUS 7:22

a'gau' salimara', annipu, appitina, siagang anggaukangi sikamma apa-apa ja'dalaka, ampa'jari taua angngoa, tenangngasseng atorang, assereati, tampo, kammayatompa susai niajara'.

YOHANES 8:21

Nakanamo pole Isa ri ke'nanga, “ErokKa' a'lampa sallang, siagang lanuboyA'; mingka lamate ngasengko lanri dosa-dosanu. Ri tampa' laKumangeia, takkulleako mange anjoreng.”

GALATIA 6:8

Punna sipa'-sipa' tulino nalamung taua, kamateang lanakatto battu ri anjo sipa'-sipa'na. Mingka punna a'lamungi situru' ero'Na RohNa Allata'ala, katallassang sitojennaya siagang katallassang mannannunganga lanagappa battu ri RohNa Allata'ala.

KOLOSE 2:22

Sikontu anjo paratoranga tassikaliji nipake ri apa-apaya natenamo matu-matunna. Anjo paratorang-paratoranga siagang pangngajarang-pangngajaranga rupatauaji ampareki.

2 PETRUS 1:4

Kammami anjo caraNa Allata'ala ampa'lammorangi barakka'-barakka' sannaka heba'na siagang sannaka lompona anggaranna mae ri katte, ia le'baka Napa'janjiang. Lanri iami anjo barakka'-barakkaka nakiakkullemo ta'lappasa' battu ri sikamma kaerokang ja'dalaka, akkullea angngerangi anne linoa mae ri possoka; sollanna nukkulle todong anggappa bageang lalang ri sipa' kakaraenganna.

2 PETRUS 2:19

Najanjimi taua kabebasang anjo guru-guru takontutojenga, nakalenna ke'nanga nipare' ata iji ri kabiasang ampanrakiai rupataua; nasaba' inai-nai nibeta battu ri se'reang apa-apa, iami nipare' ata battu ri anjo ambetayai.

YUDAS 1:10

Mingka napakka'-pakkanaimi siagang nahinami ke'nanga sikontu anjo apa-apa tanapahanga ke'nanga. Sanrapangi ke'nanga olo'-olo' tenaya pikkiranna, iamintu pakkasia'naji bawang napake untu' angngassengi apa-apaya. Mingka passabakkang iatommi anjo apa-apa kammaya naancuru' ke'nanga.