2 PETRUS 1:6 - KITTA' MATANGKASA'

⁶ siagang sipa'rurunganna pangngassenganga, parallu tongko akkulle ampakalewai kalennu, siagang sipa'rurunganna ampakalewai kalennu, parallu tongko ampa'biasai kalennu sa'bara' andallekangi sikontu apa-apaya. Sipa'rurunganna sa'baraka andallekangi sikontu apa-apaya musti nuturuki tongi ero'Na Allata'ala lalang ri katallassannu.

2 PETRUS 1:6 ပူးပေါင်းရင်းမြစ်များ

PA'JARIANG 5:24

Lanri tuli sipa'rappunganna siagang baji' Henokh mae ri Allata'ala, allanynya'mi lanri niallei ri Allata'ala.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

YESAYA 57:1

Tau bajika siagang annabaya matei, natena tau ampahangi siagang amparhatikangi. Punna mate ke'nanga, ta'lappasaki ke'nanga battu ri balaya nampa sannang ammari-mari.

LUKAS 21:19

Punna sa'barakko siagang attahangko, lanipasalamakko.”

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

LAMPA-LAMPANA 24:25

Mingka ri wattunna narapi' nabicara Paulus passala' kalambusanga siagang antahangi kacinnanga, kammayatompa passala' hukkungang labattua punna Allo Kiama', a'jari malla'mi Feliks. Jari nakanamo Feliks, “Kamma-kamma anne akkulle mako a'lampa. Lakusuro kio' jako antu pole punna nia' wattu.”

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

ROMA 8:25

Mingka punna ma'minasaki' ri apa-apa tenayapa nigappai, paralluki sa'bara' antayangi anjo niminasaia.

1 KORINTUS 9:25

Inai-nai a'latihang, musti naparrangngipi kalenna ri sangka' rupaya apa-apa. Naia naappakamma anjo lanri ero'na nipakalongi bunga pammetang, iamintu bunga akkullea kalumeng. Mingka ikatte anne niparrangngi kalenta ri sangka' rupaya lanri erotta nipakalongi bunga tenaya nakkulle kalumeng.

2 KORINTUS 6:4

Jari ilalang ri sikontu apa nagaukanga ikambe napa'nyatami ikambe angkanaya ikambe anne atanNaki' Allata'ala. A'rupa-rupami kasukkarang le'ba' nakasia' ikambe siagang sa'bara':

GALATIA 5:23

tuna pa'maiki, siagang akkullei nalewai kalenna. Tena hukkung agama ampappisangkangi anjo sikammaya.

KOLOSE 1:11

Poro nipakajarrekko lanri kakoasang malompoNa Allata'ala, sa'gennu akkulle attahang angkasiaki sikamma kapa'risanga siagang sa'bara', yareka sannang pa'mai',

2 TESALONIKA 1:4

Iaminjo saba'na natuli nacaritako ikambe punna mangeki' akkunjungi jama'ah-jama'aNa Allata'ala nakipuji ngasengko ri alla'na sikamma jama'aNa Allata'ala. Lompomi pa'mai'na ikambe ancaritai antekamma majarre'na tappa'nu mae ri Almasi ri tangnga-tangngana passessaya siagang kapa'risang nukasiaka.

2 TESALONIKA 3:5

Poro Narurungangko Batara sa'genna pila' la'bi nupahang pangngamaseanNa Allata'ala siagang kasa'barrang Napassareanga Almasi mae ri kau.

1 TIMOTIUS 2:10

Mingka paralluko tubai'-bainea ammodei kalennu siagang panggaukang-panggaukang baji', situru' siratannaya mae ri tubaine anynyombaya ri Allata'ala.

1 TIMOTIUS 2:2

untu' sikamma karaenga siagang untu' sikamma tau anna'galaka kakoasang. Pappalakangki' sollanta akkulle sannang siagang taricua kammayatompa a'gau' siratannaya lalang tallasatta ri dallekanNa Allata'ala.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

1 TIMOTIUS 6:11

Mingka ikau taunNako Allata'ala; jari musti nupakabellai kalennu battu ri yangasenna anjo sikammaya. Usahako sollannu a'jari tau annaba ri paccini'Na Allata'ala, ampare' atayai kalenna mae ri Allata'ala; kammayatompa tappaka mae ri Almasi, niaka pangngamaseanna, sa'baraka siagang baji' pa'maika.

1 TIMOTIUS 6:3

Inai-nai tau ampangngajarrangi pangngajarang maraengannaya, siagang tena nasitujui pangngajarang tojeng battua ri Batarata Isa Almasi tena todong nasitujui ke'nanga pangngajaranna agamata,

1 TIMOTIUS 6:6

Memang assarei passawallang lompo agamaya punna sukkuru'mo taua ri apa-apa niaka ri ia.

2 TIMOTIUS 3:5

Manna namannuruki lahere'na ke'nanga nicini' anggaukangi napassuroanga agamaya, mingka sikontutojenna tanatarimayai ke'nanga kakoasanna anjo agamaya. Pakabellai kalennu battu ri tau kammaya anjo.

TITUS 1:1

Natarimai anakku Titus! Anne suraka battu ri nakke Paulus, atanNa Allata'ala siagang tunisuroNa Isa Almasi. Nipilea' siagang nisuroa' untu' antulungi sikamma tau Napilea Allata'ala sollanna a'jari jarre' tappa'na ke'nanga. Musti kubantu tongi ke'nanga sollanna naasseng katojengang napangngajarranga agamata,

TITUS 1:8

Musti nangai annarimaya tau ri balla'na, nangai apa-apa kabajikanga, naassengi napakalewa kalenna, lambusuki, tangkasaki siagang ta'atoroki lalang ri katallassanna.

TITUS 2:2

Pakaingaki tau toa bura'nea sollanna naasseng ampakalewai kalenna ke'nanga lalang ri katallassanna, bajiki siagang napakalewai kalenna; sollanna annaba cara tallasa'na salaku tu nipangngaliki. Musti anna'gala' jarreki ri ajarang tojeng battua ri Allata'ala, attojeng-tojengi mangngamaseang, siagang sa'baraki angkasiaki kasessanga.

IBRANI 10:36

Paralluko sa'bara', sollanna akkulle nugaukang ero'Na Allata'ala. Na lanri kammana lanutarimai apa Napa'janjianga Allata'ala.

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

IBRANI 6:12

Tena kikellaiko a'jari malasa'. Mingka kikellaiko sollannu attallasa' sangkamma tau antarimayai apa Napa'janjianga Allata'ala, lanri tappa'na mae ri Ia, siagang lanri sa'bara'na attayang.

IBRANI 6:15

Attayammi Abraham siagang sa'bara', sa'genna natarimamo anjo apa Napa'janjianga Allata'ala mae ri ia.

2 PETRUS 1:3

Le'baki Napake koasa kakaraenganNa Allata'ala untu' assareki' sikontu apa-apa niparalluanga sollanta akkulle anynyomba ri Ia lalang tallasatta. Nagaukangi kammaya anjo tete ri mangngassenta mae ri Isa Almasi le'baka angkiokki' sollanna akkulle todong nikasia' kalompoanNa siagang kabajikanNa.

2 PETRUS 3:11

Nasaba' yangasenna anjo sikammaya laniancuru' kammai anjo batena, antekammami batenu musti attallasa'? Jari musti nutangkasimi katallassannu ri dallekanNa Allata'ala, siagang mappilangngeri mako mae ri Ia,

PAPPICINI' 1:9

Inakke Yohanes, sari'battannu ngaseng, nuaganga' a'julu sessa sangkamma nakasiaka sikontu tau amminawanga ri Almasi. Sa'barakki' angkasiaki kasessanga, lanri ikatte anne umma'Naki'. Nipelakka' mange ri Pulo Patmos passabakkang kupa'la'bangi pappasang battua ri Allata'ala, Napakajarreka Isa lalang ri kasa'bianNa.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

PAPPICINI' 14:12

Lalang ri anne passalaka parallui a'jari sa'bara' Umma'Na Allata'ala, ia amminawang turuka ri parentaNa Allata'ala siagang tamamminraya mae ri Isa.

PAPPICINI' 2:2

Kuassengi apa nugaukanga ngaseng: anjama terasakko, siagang teai sipato' sa'bara'nu. Kuassengi angkanaya taerokako assarei pa'mai' tau ja'dalaka. Na anjo sikamma tau nakanaya kalenna tunisuroNa Allata'ala, nasikontutojenna teai, le'ba'mi nuparessa baji'; na nuasseng ngasemmo angkanaya anjo ke'nanga sangnging tau paballe-balle.