2 PETRUS 1:21 - KITTA' MATANGKASA'

²¹ Nasaba' tale'bakai nia' tau angkana battu ri ero' kalenna nakkulle napabattu biritta battua ri Allata'ala ri passala'na anjo apa-apa lakajarianga. Yangasenna anjo taua nikoasai ri Roh KalenNa Allata'ala ri wattunna Napabattu anjo biritta battua ri Allata'ala.

2 PETRUS 1:21 ပူးပေါင်းရင်းမြစ်များ

2 SAMUEL 23:2

Le'baki mangkana RohNa Batara tete ri nakke; pasang siagang passuroNa niaki ri muncengku.

1 KARAENG-KARAENG 13:1

Anjo wattua nia' sitau na'bi ri Yehuda. Nisuroi ri Batara a'lampa mange ri Betel. Battui anjo na'bia mange anjoreng sitabanna ammenteng Yerobeam ri dallekanna tampa' pakkoro'bangnganga untu' assare koro'bang.

1 KARAENG-KARAENG 17:18

Nakanamo anjo jandaya ri Elia, “AtanNa Allata'ala, angngapa nakigaukang anne kammaya mae ri nakke? Apaka battuki' mae untu' a'jari saba' naNau'rangi Allata'ala dosaku, sa'genna musti mate anakku?”

1 KARAENG-KARAENG 17:24

Appialimi anjo jandaya nakana, “Kamma-kamma anne kuassemmi angkanaya ikatte atanNaki' Allata'ala, siagang kana-kananta kammatojengi angkana kana-kana battu ri Batara!”

2 KARAENG-KARAENG 4:22

nampa a'lampa mange angkioki bura'nenna. Nakanamo, “Suroi sitau palayang battu mae angngerang sikayu keledai. Musti akkaro-karoa' a'lampa mange ri Na'bi Elisa, siagang lakkaro-karoa' ammotere'.”

2 KARAENG-KARAENG 4:7

Nampa a'lampamo pole anjo bainea mange ri Na'bi Elisa na nakanamo Elisa, “Balukangi anjo minynya'-minynyaka nampa kibayara' ngaseng inranta, nampa anjo la'binna lagannaki untu' kaparalluang katallassanta siagang ana'-anatta.”

2 KARAENG-KARAENG 4:9

Nampa nakanamo anjo bainea ri bura'nenna, “Tappaka' angkanaya anjo bapa' sarroa assengka anrinni ma'nassa atanNa Allata'ala.

2 KARAENG-KARAENG 6:10

Jari napakainga'mi karaeng Israel sikamma tau niaka a'reppese' ammantang anjoreng sollanna sadia-sadia. Kammami anjo pissiapa arei Elisa ampakaingaki karaenga.

2 KARAENG-KARAENG 6:15

Ammukona, ri bari'basa' dudua ri wattunna ambangung siagang assulu' palayanna Elisa, nacini'mi tantara Siria angkurungi anjo kotaya, sangka' siagang jarang na kareta pa'bundukanna ke'nanga. Jari ammotere'mi mange ri Elisa angkana, “Ballasa' maki' bapa'! Apa musti nigaukang?”

1 PATTOTTORANG 23:14

Ana'-ana' bura'nena Musa, iamintu atanNa Allata'ala, nipantamai ri golongang suku Lewi.)

2 PATTOTTORANG 8:14

Situru' paratorang-paratorang napassareanga Daud manggena, naatoroki Salomo tugasa' allo-allona sikamma imanga siagang untu' tu Lewi mustia angkelongangi kelong pammujia mae ri Batara siagang nabantu sikamma imanga anggaukangi upacara-upacara panynyombanga. Kammayatompa sikamma pangawala'na Balla'Na Batara nibage-bagei lalang regu-regu untu' tunggala' pakke'bu' lompoa, situru' pangngatoro' napassareanga Daud atanNa Allata'ala.

YEREMIA 23:26

Sa'ge kemae anjo na'bi-na'bia ero' ampa'lingui ummakKu siagang kabara' napare'-pareka kalenna ke'nanga?

MIKHA 1:1

Assala'na Mikha iamintu tubattu ri se're kota ca'di niarenga Moresyet. Ri wattu niparentana pa'rasangang Yehuda iamintu sikamma karaeng: Yotam, Ahas, siagang Hizkia; iaminjo wattua nannarima Mikha pasang battu ri Batara ri passala'na Samaria siagang Yerusalem.

MIKHA 3:7

Tau ambotoai allo labattua la'jari siri'-siriki lanri tena nakontutojeng botona. Lasiri'-siri' kabusuki ke'nanga lanri tena naNipiali ke'nanga ri Allata'ala.

PAMMILANGNGANG 16:28

Nampa angkanamo Musa, “Kamma-kamma anne lanuassemmi angkanaya Batara assuroa' anggaukangi anne sikammaya, siagang anjo kammaya teai ero' kalengku.

MARKUS 12:36

Na kalenna Daud, lanri pangngajara'Na RohNa Allata'ala, le'baki angkana, ‘Nakana Batara ri Bataraku: Ammempoko ri sa'ri kanangKu Sa'genna Kusuro ngaseng balinNu akkulantu' ri dallekanNu.’

LUKAS 1:70

Battu ri riolo duduji na Napabattumo na'bi-na'bi nipilea, angkana le'ba'mi assare janji Batara

LAMPA-LAMPANA 1:16

“Sikamma sari'battangku ngaseng! Apa niaka tattulisi' lalang ri Kittaka, musti kajariang ngasengi. Riolo, Napau memammi RohNa Allata'ala lalang ri kalenna Daud ri passala'na anjo Yudas, le'baka ampimpingi taua battu anjakkalaki Isa.

LAMPA-LAMPANA 28:25

Ri wattunna a'lampa ngasemmo ke'nanga ambokoi anjo tampaka massing sisalami panggappana ke'nanga. Nasaba' nakana Paulus mae ri ke'nanga, “Memang annaba sikali apa le'baka Napau RohNa Allata'ala lalang ri Na'bi Yesaya mae ri boe-boenu!

LAMPA-LAMPANA 3:18

Na lanri kammana tomminjo, na'rupamo apa le'baka Napabattu riolo Allata'ala lalang ri na'bi-na'biNa, angkanaya musti lanisessai anjo Karaeng Mappasalama' nipa'janjianga.

PAOLE 33:1

Lalang tenanapa namate, Musa, tunisuroNa Allata'ala, nabarakkaki bansa Israel siagang kana-kana kamma anne:

IBRANI 10:15

Ri anjo passalaka a'jari sa'bi tommi RohNa Allata'ala mae ri katte. Nakana RohNa Allata'ala,

IBRANI 3:7

Lanri kammanami anjo, sangkamma Napaua RohNa Allata'ala, “Punna nulangngere' sa'ranNa Allata'ala anne alloa,

IBRANI 9:8

Ilalammi ri anne atoranga, Napappicinikang RohNa Allata'ala sa'genna singara' angkanaya ilalang nia'na ija ammenteng bageang dallekanna anjo pammantanganga, tenapa natassungke oloang antamaya mae ri anjo Kamara' Kaminang Matangkasaka.

YOSUA 14:6

Ri se'reang allo battui suku Yehuda mange ri Yosua ri Gilgal. Kalase'renna battu ri anjo ke'nanga iamintu Kaleb ana'na Yefune tu Kenas, angkana, “Yosua, nuassengi apa kananNa Batara mae ri Musa, anjo suroNa Allata'ala, ri Kades-Barnea ri passala'na ikau siagang inakke.

1 PETRUS 1:11

Nasalidikimi ke'nanga angkanaya antekamma siagang ringngapanna nalakajariang anjo passalaka, iamintu Napakkanaya RohNa Almasi niaka lalang ri kalenna ke'nanga. Anjo wattua napau la'bi riolomi RohNa Almasi mae ri ke'nanga passala'na kasessang laNakasiaka Almasi siagang kala'biranNa la'nyataya ribokoanganna anjo.

PAPPICINI' 19:10

Nampa su'ju'ma' ri dallekanna anjo malaekaka, ero' anynyomba ri ia; mingka nakanamo ri nakke, “Teako! Teako anynyombai ri nakke, mingka Allata'ala nusomba! Nasaba' inakke ata tonja' sangkamma ikau siagang sikontu sari'battannu anna'gala' jarreka mae ri biritta tojenga, Napabattua Isa!” Nasaba' iaminjo kasa'bianga mae ri Isa assarei taua pangngissengang untu' ampabattui biritta battua ri Allata'ala.