2 PETRUS 1:20 - KITTA' MATANGKASA'

²⁰ Mingka iaminne kaminang parallu sikalia nuu'rangi: Anjo apa-apa lakajarianga sallang, nisero kanaya ri biritta battua ri Allata'ala, takkulleai nibattuangngi situru' pikkirang kalenta.

2 PETRUS 1:20 ပူးပေါင်းရင်းမြစ်များ

ROMA 12:6

Massing nia' pakkulle untu' allayani Napassareang Allata'ala mae ri katte, tenaya nasangkamma ngaseng. Anjo pakkullea, passare battu ri Allata'ala lanri pangngamaseanNa mae ri katte. Lanri kammana, musti nipakei anjo pakkullea. Tau anggappaya passare untu' ambirittakangi biritta battua ri Allata'ala, musti nabirittakangi situru' pakkullena anjo biritta battua ri Allata'ala.

ROMA 13:11

Pantaranganna ngaseng anjo pole, nuassengi angkanaya iaminne ri wattu kamma-kammaya anne nusiratang ambangung battu ri tinronu. Nasaba' kamma-kamma anne pila' ambaniangammi wattunta lanipasalama', naia ri wattu beru appakkaramulata a'jari tappa'.

ROMA 6:6

Niassemmi angkanaya nipasibunomi sipa'-sipa' kodi rupatauta salloa ri wattunna nibuno Isa ri kayu sallika, sollanna a'jari ancuru' koasana sipa'-sipa' kodita; lanri kammana, tenamo nanapare' ataki' dosaya.

1 TIMOTIUS 1:9

Tantu musti niu'rangi angkanaya teai untu' tau bajika nanipare' anjo hukkung-hukkunga, passangalinna untu' sikamma tau andakkayai hukkunga, tau bannaka, tau dorakaya, tau tenaya agamana, tau assipa' pakkalinoanga, tau ambunoai tau toana, yangasenna tau pabunoa,

2 TIMOTIUS 3:16

Sikontu apa tattulisika lalang ri Kittaka, nisingari ri Allata'ala, siagang lompoi matu-matunna untu' ampangngajarrangi apa tojenga, untu' appakainga' siagang untu' ampannabai apa salaya, siagang untu' angngajaraki taua sollanna attallasa' situru' ero'Na Allata'ala.

YAKOBUS 1:3

Nasaba' nuassemmi, angkanaya punna attahangko ri tappa'nu mae ri Batara ri wattunnu nataba paccoba, wassele'na iamintu: a'jari mako tau sa'bara'.

2 PETRUS 3:3

Uru-urua, musti nuassengi angkanaya ri allo-allo kala'busanga sallang, lania' ammumba sikamma tau nikoasaia katallassanna ri hawa napasu kalenna. Lanacau-cauko ke'nanga,