2 PETRUS 1:18 - KITTA' MATANGKASA'

¹⁸ Kalenna ikambe allangngereki anjo sa'ra battua ri suruga ri wattunta nia' angngagangi rate ri anjo bulu' matangkasaka.

2 PETRUS 1:18 ပူးပေါင်းရင်းမြစ်များ

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

KALAPPASSANG 3:5

Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

YESAYA 11:9

Ri Sion, Bulu'Na Allata'ala Matangkasaka, tena tau ja'dala' yareka ammanraki. Rassi pa'rasanganga siagang pangngassengang ri Allata'ala, rapang je'ne' ampirassi tamparanga.

YESAYA 56:7

“LaKuerangko mange ri Sion, mange ri bulu' matangkasakKu, na Kusareko karannuang ri balla' sambayangKu. LaKutarimai sikamma koro'bang nupassareanga ri tampa' pakkoro'bangngangKu. BallakKu laniarengi balla' pappala' doangang untu' sikontu bansaya.”

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.

MATIUS 17:6

Nalangngere'na ana'-ana' gurunNa Isa anjo sa'raya, teaimi sipato' malla'na ngaseng, sa'genna tassu'ju'mi ke'nanga naung ri buttaya.

YOSUA 5:15

Appialimi anjo panglima tantaraNa Batara angkana, “Sungkei sapatunu; antu butta nupammentengia iamintu butta matangkasa'.” Jari nasungkemi sapatuna Yosua.