2 PETRUS 1:16 - KITTA' MATANGKASA'

¹⁶ Ri wattunna kipabattu mae ri kau antekamma mala'biri'na kabattuanNa Batarata Isa Almasi, tena nakituruki carita kosong battua ri rupataua. Anjo kala'biranNa Almasi mata kalennami ikambe le'ba' anciniki.

2 PETRUS 1:16 ပူးပေါင်းရင်းမြစ်များ

MALEAKHI 3:2

Mingka inai lakkulle attahang ri allo kabattuanNa Batara ampa'nyatai KalenNa? Nasaba' sanrapangi pepe'na pade'de' bulaeng ti'no', siagang sanrapangi sabung tukang pasassaya.

MALEAKHI 4:5

Mingka ri tenanapa nabattu anjo allo hebaka siagang appakamalla' le'baka Kupattantu, laKusuroi battu Na'bi Elia.

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MATIUS 16:28

U'rangi anne! Ri alla'nu anne hadereka anrinni, nia' talamateapi punna tenapa naciniki Ana' Ma'rupataua battu poleang a'jari Karaeng.”

MATIUS 17:1

Annangallo ribokoanganna, Naerammi Isa i Petrus, Yakobus siagang sari'battanna iamintu Yohanes, mange akkale-kale ri se'reang moncong tinggi.

MATIUS 24:27

Nasaba' kabattuanNa sallang Ana' Ma'rupataua sanrapangi caya kila' tassioroka battu raya sa'genna kalau'.

MATIUS 24:3

Le'baki anjo, a'lampami Isa mange ri Bonto Zaitun. Na ammemponamo, battumi ana'-ana' gurunNa angngagangi a'bicara kale-kalenna. Nakanamo ke'nanga ri Ia, “Kipaumi ri kambe anne, singngapanna nalakajariang ngaseng anjo kammaya? Apa la'jari pammateina punna battu poleangKi' sallang ri allo kala'busang jammanga?”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

MARKUS 13:26

Anjo wattua lania'mi nicini' battu Ana' Ma'rupataua ri tompo'na rammanga lalang koasa malompoa siagang kala'biranNa.

MARKUS 14:62

Appialimi Isa Nakana, “INakke minne, na lanuciniki sallang Ana' Ma'rupataua ammempo ri sa'ri kananNa Allata'ala Kaminang Makoasaya, siagang lanaung battu ri langika ri tompo'na rammanga!”

LUKAS 1:2

Sikamma apa le'baka nicarita mae ri katte, battu ri tau le'baka anciniki anjo kajarianga battu ri pakkaramulanna, yangaseng minjo natulisi' ke'nanga, nampa napa'la'bang kabara'na.

LUKAS 9:43

Lannasa' ngasemmi taua anciniki antekamma lompona koasaNa Allata'ala. Ri wattunna lannasa' ngaseng ija taua anciniki anjo apa-apa Nagaukang ngasenga, Nakanamo Isa ri ana'-ana' gurunNa,

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

YOHANES 17:2

Le'ba'mi Kipassareang mae ri AnatTa koasaya irateanna sikontu rupataua, sollanna akkulle Nasare katallassang mannannungang sikamma tau Kikellaia nisare.

ROMA 1:4

mingka lalang kakaraenganna, ma'nassa Iami Ana'Na Allata'ala. A'buttimi anjo lalang ri koasa malompoNa, iamintu lalang ri attallasa'Na ammotere' battu ri kamateanga.

1 KORINTUS 1:17

Nasuroa' Almasi teai untu' a'je'ne' tau, passangalinna untu' ambirittakangi Kabara' Baji' battua ri Allata'ala, siagang pole, anjo kugaukangi teai lanri kacara'dekang a'bicara salaku rupatau, sa'genna la'jari sia-siamo anjo koasa kamateanNa Isa Almasi ri kayu sallika.

1 KORINTUS 1:23

Mingka ikatte anne iaji bawang nibirittakang iamintu biritta ri passala'na Isa Almasi le'baka mate ri kayu sallika. Anjo birittaya napakanassui pa'mai'na tu Yahudia, siagang nicini' a'balle-ballei ri bansa-bansa maraenga. Na bansa maraenga nakanai kadongokang anjo kammaya.

1 KORINTUS 1:7

sa'genna tenamo nukakurangang barakka' manna sirupa, lalang nutayanna kabattuanNa Batarata Isa Almasi ampa'nyatai KalenNa mae ri sikontu rupataua.

1 KORINTUS 2:1

Sikamma sari'battangku! Ri wattungku battu mae ri kau, nakupabattu rancanaNa Allata'ala tenayapa naassengi anne linoa, teai kacara'dekanna anne linoa kupake, yareka teai bicara ta'liwa'-liwaka baji'na nilangngere'.

1 KORINTUS 2:4

Teai bicara sannaka baji'na nilangngere' lanri kacara'dekang ri rupataua kupake ampabattui anjo birittaya mae ri kau ngaseng. Mingka kammaminjo caraku ampabattui untu' ampa'butti angkanaya makoasai RohNa Allata'ala. Akkulle ngasemmi nucini' anjo passalaka.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 4:2

Tena nakiaccokko-cokko siagang tena nakiappakasiri' bateta anggaukangi anne jama-jamanga. Tena nakiero' jekkong anggaukangi anne jama-jamanga, yareka tena nakiero' amputara' baleki kananNa Allata'ala. Silambusu'na bawang ero'Na Allata'ala nabirittakang ikambe. Lanri kammana, naminasai ikambe nanabilang baji' ngaseng ri pa'mai'na taua anjo apa nagaukanga ikambe.

EFESUS 4:14

Jari, tena nisanrapang ana'-ana', akkullea nierang anrai'-kalau' ri pangngajaranna tau la'bua akkala' salana. Natipui siagang naakkala' salai taua, nanaerang mae ri oloang salaya.

FILIPI 3:21

Anne tubuta lammaya siagang lapossoka, laNapinrai Almasi a'jari sangkamma TubuNa mala'birika. Akkullei Nagaukang anjo kammaya, lanri nia' kakoasanNa untu' ampatundu' ngasengi sikontu apa-apa niaka.

1 TESALONIKA 2:19

Tojeng-tojengi angkanaya ikau ngasemmi panrannuanna siagang karannuanna ikambe. Nasaba' punna battu sallang Batara Isa, nakiandallekang ri Ia, ikau ngasemmi nakalompoang nyawana ikambe!

2 TESALONIKA 2:9

Battu ri panggaukanna Billisika nammumba anjo Tau Ja'dalaka siagang kakoasang lompona. Natipui taua nanagaukang sikamma panggaukang appakalanna'-lannasaka.

1 TIMOTIUS 1:4

Pakaingaki ke'nanga sollanna tena naparhatikangi anjo carita nipare'-pareka siagang carita pattottorang tenaya la'bu'-la'busu'na. Yangasenna anjo kammaya sangnging pa'beseranji naerang, siagang tena napakamajui jama-jamanNa Allata'ala ia akkullea niasseng tete ri katappakkang bawang mae ri Ia.

1 TIMOTIUS 4:7

Pakabellai kalennu battu ri carita-carita kosong tenaya matu-matunna. Parallui nupa'biasa kalennu a'jari tau anynyombaya ri Allata'ala lalang ri katallassannu.

TITUS 1:14

siagang tenamo natappa' ke'nanga mae ri carita-carita kosonna tu Yahudia yareka paratorang-paratorang napareka taua untu' ansorongbokoi pangngajarang tojenga.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

1 YOHANES 4:14

Kalenna ikambe le'ba' anciniki Ana'Na Allata'ala, siagang napabattumi ikambe mae ri tau maraenga angkanaya Iami anjo Ana'Na Nasuro Allata'ala antama' ri linoa untu' a'jari Karaeng Mappasalama' ri anne linoa.

YUDAS 1:14

Henokh, iamintu sossorang makatujua lapisi'na battu ri Adam, le'baki napau la'bi riolo pirangalloang ri passala'na ngaseng anne tau kammaya. Angkanai Henokh, “Ciniki sallang, labattui Batara siagang assa'bu-sa'bu malaeka' matangkasa'Na,

PAPPICINI' 1:7

Ciniki, niakI battu lalang ri rammanga! Sikontu rupataua lanacini' ngasengI, kammayatompa tau le'baka antobokI poke. Lanri Iami nalappiraung ngaseng sikontu bansa-bansaya ri lino. Mattantu kammana! Aming!