2 PETRUS 1:14 - KITTA' MATANGKASA'

¹⁴ Nasaba' kuassengi angkanaya tasalloami nalakubokoi anne linoa, lanri le'ba'ma' Napauang baji' Batarata Isa Almasi.

2 PETRUS 1:14 ပူးပေါင်းရင်းမြစ်များ

YESAYA 38:12

Tappu' nyawaku, battumi a'jalakku, rapang kema pakalawaki nibongkara'; rapang kaeng nipolong battu ri pattannungang; kukapangi laNapa'le'ba'mi Allata'ala tallasakku.

YOHANES 13:36

Akkuta'nammi Simon Petrus ri Isa, nakana, “O Batara, la'lampa kemaeKi'?” Appialimi Isa Nakana, “Takkulleako amminawang kamma-kamma anne, mange ri tampa' laKumangeia. Ri bokopako lamminawang sallang.”

LAMPA-LAMPANA 20:25

Le'ba' ngaseng mako massing kukunjungi, siagang le'ba' ngaseng tommi kupabattu mae ri kau ri passala'na Allata'ala siagang PamarentahanNa. Kamma-kamma anne nia'mi ri pakkasiakku angkanaya iaminne kala'busangku assicini' siagang ikau ngaseng.

2 KORINTUS 5:1

Nasaba' naassemmi ikambe angkanaya punna nibongkara' anne balla' nipammantangia ri lino, iamintu pangngebarranna tubuta, le'ba' memammi Napasadia Allata'ala balla' niaka ri suruga; iamintu balla' Napareka KalenNa Allata'ala siagang akkullea attahang sa'genna satunggu-tungguna.

PAOLE 31:14

Nampa Nakana Batara mae ri Musa, “Tenamo nusallo attallasa'. Jari, kioki Yosua, siagang erangi mae ri KemaKu, sollanna akkulle Kusare siapa are pangngunju'.” Jari a'lampami Musa siagang Yosua mange ri anjo Kemaya,

2 TIMOTIUS 4:6

Passala'na kalengku, narapi'mi wattungku lamate a'jari koro'bang mae ri Allata'ala. Sinampe' mami nalakubokoi anne linoa.

YOSUA 23:14

Kamma-kamma anne narapi'mi wattungku lamate. Ikau ngaseng, massing baji' ngaseng nuassenna angkanaya Batara Allata'alanu le'ba' assareko sikontu apa baji' Napa'janjianga. Sikontu janjinNa le'ba' ngasemmi Narupai, tena manna se're taNarupai.

2 PETRUS 1:13

Genteng ri tallasakku ija, paralluko kupakaingakkang yangasenna anjo passalaka.