2 PETRUS 1:13 - KITTA' MATANGKASA'

¹³ Genteng ri tallasakku ija, paralluko kupakaingakkang yangasenna anjo passalaka.

2 PETRUS 1:13 ပူးပေါင်းရင်းမြစ်များ

YESAYA 38:12

Tappu' nyawaku, battumi a'jalakku, rapang kema pakalawaki nibongkara'; rapang kaeng nipolong battu ri pattannungang; kukapangi laNapa'le'ba'mi Allata'ala tallasakku.

HAGAI 1:14

Kammami anjo bateNa Batara ampagioki atinna Guburnur Zerubabel, Imang Lompoa Yosua siagang sikontu tau niakamo ammotere' battu ri pammelakkanga, sollanna anjama ngaseng ke'nanga ambangungi Balla'Na Batara Kaminang Koasaya, Allata'alana ke'nanga.

2 KORINTUS 5:8

iaminjo saba'na nakisa'bara' ri pa'maitta. Erokangangki' ta'lappasaka battu ri anne tubua, sollanna nikkulle sipammantangang siagang Batara.

FILIPI 1:7

Tuli nia'nu ngaseng lalang ri atingku. Memang siratangi punna kammai anjo nyawaku mae ri kau ngaseng. Nasaba' le'ba' ngaseng tommako annarima siagang inakke iamintu passare malammoro' Napassareanga Allata'ala mae ri nakke; baji' na ri kamma-kammaya anne, iamintu ri wattungku nia' lalang ri tarungkua, kammayatompa pole ri wattungku nia' pantara' untu' angngalleangangi siagang ampamentengangi anjo Kabara' Bajika.

FILIPI 3:10

Se're-se'reji bawang kukaerokia, iamintu: sollanna akkulle kuasseng Almasi, siagang akkulle kukasia' todong kakoasang le'baka ampabangungi ammotere' battu ri kamateanga. Ero' tonga' amminawang angkasiaki pa'risika siagang Ia, siagang amminawang todong sangkamma Ia ilalang ri kamateanNa.

2 TIMOTIUS 1:6

Lanri kammana kupappiu'rangiangi mae ri kau sollanna nupattimbo anjo passare malammoro'Na Allata'ala mae ri kau ri wattunna kupatompang limangku irateanganna ulunnu.

IBRANI 13:3

U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.

2 PETRUS 1:12

Lanri kammanami anjo natuli kupakaingakko ri yangasenna anjo passalaka, manna pole nanuassemmo siagang manna pole nanutappa' tojeng-tojemmo mae ri anjo biritta nutarimaya battu ri Allata'ala.

2 PETRUS 1:14

Nasaba' kuassengi angkanaya tasalloami nalakubokoi anne linoa, lanri le'ba'ma' Napauang baji' Batarata Isa Almasi.

2 PETRUS 3:1

Sikamma sari'battangku sannaka kukarimangnginna! Iaminne surakku makaruaya mae ri kau. Lalang ri anjo surakku ruaya, kuusahakammi ampabangungi pikkirang-pikkirang annabaya lalang ri kalennu.