2 PATTOTTORANG 9:9 - KITTA' MATANGKASA'

⁹ Nampa napassareang anjo ratu battua ri pa'rasangang Syeba mae ri Salomo hadia-hadia naeranga, iamintu la'bi 4.000 kilogarang bulaeng siagang majai batu paramata kammayatompa rampa-rampa. Tena le'bakami Salomo ribokoangannaya annarima passare rampa-rampa kammaya baji'na anjo napassareanga ratu battua ri pa'rasangang Syeba mae ri ia. (

2 PATTOTTORANG 9:9 ပူးပေါင်းရင်းမြစ်များ

PA'JARIANG 43:11

Jari nakanamo manggena ke'nanga, “Punna memang musti kammai, erangi wassele' kaminang bajika anrinni ri pa'rasanganga nampa nupantama' ri karunnu, nanusare hadia anjo guburnurka, iamintu: Kismis, je'ne' bani, rampa-rampa, rappo sapiri siagang rappo badang.

1 KARAENG-KARAENG 10:10

Nampa anjo karaeng baine battua ri pa'rasangang Syeba assaremi hadiah mae ri Salomo ia naeranga, iamintu la'bi 4.000 kilo battala'na bulaeng siagang jai batu paramata, kammayatompa rampa-rampa. Tena le'bakami ribokoangannaya Salomo annarima kammaya anjo jaina rampa-rampa sangkamma anjo napassareanga anjo karaeng baine battua ri pa'rasangang Syeba mae ri ia. (

1 KARAENG-KARAENG 9:14

La'bi 4.000 kilo battala'na bulaeng le'ba' nakiring Hiram mae ri Salomo.

2 PATTOTTORANG 9:1

Nalangngereki Ratu Syeba ri passala' masahoro'na arenna Karaeng Salomo. Jari battumi mange ri Yerusalem ero' anso'ri kacara'dekanna na nasare pakkuta'nang-pakkuta'nang sukkara'. Battui nirurungang ri siapa are jaina paeranna siagang unta battalaka eranganna angngerang rampa-rampa, batu paramata, siagang teai sipato' jaina bulaeng. Ri wattunna assigappa siagang Salomo, akkuta'nammi anjo ratua a'rupa-rupa pakkuta'nang niaka ri pikkiranna.

2 PATTOTTORANG 9:10

Ana' buana Hiram siagang ana' buana Karaeng Salomo angngeranga bulaeng battu ri Ofir untu' Salomo, angngerang tongi batu paramata siagang kayu cendana.

2 PATTOTTORANG 9:24

Massing battui ke'nanga angngerang hadia untu' Salomo. Assarei ke'nanga barang-barang kammaya pera', bulaeng, pakeang, sanjata, rampa-rampa, jarang siagang bagal. Kammami anjo taung-taung.

2 PATTOTTORANG 9:8

Nipujimi arenNa Batara, Allata'alata! Lanri Naangkatta a'jari karaeng untu' ammarenta lalang arenNa Napappicinikammi antekamma sannanNa mae ri katte. Lanri Nakamaseanna umma' Israel siagang Nakellaina tuli nia' ke'nanga, Naangka'maki' a'jari karaeng mae ri ke'nanga, sollanna akkulle kipaenteng hukkunga siagang kaadelanga.”

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

PAMMUJI 72:15

Mattallasaki karaenga! Poro nipassareangi mae ri ia bulaeng battua ri Arab. Poro nipappala' doangangi lalang sikontua wattu na tuli nisare pangngellai.

KALAPPASSANG 30:34

Nakana Batara ri Musa, “Angngalleko a'rupa-rupa rampa ia sangkammaya jaina, iamintu gatta damara', bi'bi' lokan, gatta rasamala siagang kamanynyang tenaya campuranna.