2 PATTOTTORANG 9:8 - KITTA' MATANGKASA'

⁸ Nipujimi arenNa Batara, Allata'alata! Lanri Naangkatta a'jari karaeng untu' ammarenta lalang arenNa Napappicinikammi antekamma sannanNa mae ri katte. Lanri Nakamaseanna umma' Israel siagang Nakellaina tuli nia' ke'nanga, Naangka'maki' a'jari karaeng mae ri ke'nanga, sollanna akkulle kipaenteng hukkunga siagang kaadelanga.”

2 PATTOTTORANG 9:8 ပူးပေါင်းရင်းမြစ်များ

2 SAMUEL 23:3

Le'baki a'bicara Allata'alana Yakub; Nakana pannulunna tu Israel ri nakke: “Karaeng ammarentaya ri ra'ya' lalang kaadelang ampimpingai mappilangngeri mae ri Batara,

2 SAMUEL 8:15

Kammaminjo batena Daud ammarenta ri sikontu Israel siagang najagai sollanna nigau' adele' siagang baji' ra'yaka.

1 KARAENG-KARAENG 10:9

Nipujimi Batara, Allata'alata! Lalang Naangkatta a'jari karaeng Israel, Napappicinikammi Batara antekamma mangngaiNa mae ri katte. Tena le'ba'-le'ba'na Nakamaseang bansa Israel; Iaminjo saba'na na Naangkakki' a'jari karaenna ke'nanga, sollanna akkulle kipaenteng hukkunga siagang kaadelanga.”

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

1 PATTOTTORANG 17:22

Kipa'jarimi bansa Israel ummatTa sa'genna satunggu-tungguna. Na iKatte, o Batara, a'jari Allata'alana ke'nanga.

1 PATTOTTORANG 28:5

Nasarea' jai ana', na battu ri sikontua anakku Napilemi Salomo untu' ammarenta ri Israel, kakaraenganNa Batara.

1 PATTOTTORANG 29:10

Ri dallekanna anjo tujaia mammujimi Daud ri Batara. Nakana, “O Karaeng Allata'ala nasombaya Yakub boe-boena ikambe, nipujimaKi' sa'genna satunggu-tungguna!

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

1 PATTOTTORANG 29:23

Jari salaku sambenna Daud manggena, nai'mi Salomo ri empoang kakaraengang, ia le'baka Napattantu Batara. Iami karaeng nikangalikang ri sikontu bansa Israel, siagang appakamajui ri jama-jamanna.

2 PATTOTTORANG 13:8

Kamma-kamma anne gassingka nukapangi angkanaya akkullei nuewa kakoasang Napassareanga Batara mae ri jari-jarina Daud, lanri lompona pasukannu siagang lanri nia'na patung sapi bulaennu nipareka a'jari rewata ri Yerobeam untu' nusomba.

2 PATTOTTORANG 2:10

Untu' bokonna ngaseng anjo taunta lakukiringanki' ruang rupa gandung, massing-massing 2.000 tong sirupa, je'ne' anggoro' 400.000 litere' siagang minynya' zaitun 400.000 litere'.”

2 PATTOTTORANG 2:11

Salaku balasanna anjo sura'na Karaeng Salomo, akkirimmi sura' Karaeng Hiram; na kammami anne bonena anjo suraka, “Lanri Nakamaseanna Batara umma'Na, na Naangka'maki' a'jari karaeng mae ri ke'nanga.

2 PATTOTTORANG 9:7

Teai sipato' upa'na ngaseng pagawe-pagawe allayaniaki' siagang tuli anjamaya untu' ikatte sa'genna akkulle nalangngere' battu ri katte kalenta sikontu pangngajarang bajika!

2 PATTOTTORANG 9:9

Nampa napassareang anjo ratu battua ri pa'rasangang Syeba mae ri Salomo hadia-hadia naeranga, iamintu la'bi 4.000 kilogarang bulaeng siagang majai batu paramata kammayatompa rampa-rampa. Tena le'bakami Salomo ribokoangannaya annarima passare rampa-rampa kammaya baji'na anjo napassareanga ratu battua ri pa'rasangang Syeba mae ri ia. (

PAMMUJI 18:19

Nabakkaia' ke'nanga ri wattu natujuku bala, mingka Batara a'jari pannulungku.

PAMMUJI 22:8

Yangaseng accinika ri nakke, nacau-caua', nabibeia' munceng na napammenggong ulunna.

PAMMUJI 72:2

Poro naadeli ummatTa situru' hukkunga, na nagau' adele' tau nijallakkanga.

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

PANGNGEBARANG 29:4

Punna naparhatikang pamarentaya kaadelanga, lakassaki pa'rasanganna. Mingka punna doe' bawang naparalluang, laruntungi pa'rasanganna.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

YESAYA 62:4

Arennu teaimi ‘Nibokoia’, pa'rasangannu teaimi ‘Ia Sinoa’. Lanigallarakko, ‘Nisayanga ri Allata'ala’, na pa'rasangannu niarengi, ‘Le'bakamo A'nikka,’ saba' mangngellai Batara mae ri kau, Ia rapangi bura'nenna pa'rasangannu.

YESAYA 9:7

Napabattumi Batara hukkunganga mae ri kakaraenganna Israel.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.