2 PATTOTTORANG 9:7 - KITTA' MATANGKASA'

⁷ Teai sipato' upa'na ngaseng pagawe-pagawe allayaniaki' siagang tuli anjamaya untu' ikatte sa'genna akkulle nalangngere' battu ri katte kalenta sikontu pangngajarang bajika!

2 PATTOTTORANG 9:7 ပူးပေါင်းရင်းမြစ်များ

1 KARAENG-KARAENG 10:8

Teai sipato' upa'na ngaseng anjo bainenta! Siagang teai sipato' upa'na sikamma pagawe-pagawe tuli anjamaya untu' ikatte sa'genna akkulle nalangngere' battu ri kalenta sikontu pangngajarang pangngassengang tinggia mabajika.

2 PATTOTTORANG 9:6

Riolo tena kukkulle tappa', mingka battukumo mae siagang kalengku ancini' kabusuki, nampama' tappa' tojeng-tojeng. Sikontutojenna tenapa nattawa rua jaina anjo apa kulangngereka battu ri anne kucinika ri kamma-kammaya anne. Ma'nassa anjo kacara'dekanta siagang kakalumanynyanganta la'bi lompoangangi na anjo kabara' kulangngereka.

2 PATTOTTORANG 9:8

Nipujimi arenNa Batara, Allata'alata! Lanri Naangkatta a'jari karaeng untu' ammarenta lalang arenNa Napappicinikammi antekamma sannanNa mae ri katte. Lanri Nakamaseanna umma' Israel siagang Nakellaina tuli nia' ke'nanga, Naangka'maki' a'jari karaeng mae ri ke'nanga, sollanna akkulle kipaenteng hukkunga siagang kaadelanga.”

PAMMUJI 27:4

Se'reji bawang kupala' ri Batara, iajinne bawang kukaerokia: ammantanga lalang ri Balla'Na Batara lalang sikontu umurukku, untu' angkasiaki kabajikanNa Batara siagang appala' panrurunNa.

PANGNGEBARANG 10:21

Kana-kananna tau bajika, a'jari barakkaki mae ri tau jaia; kadongokanna tao dongoka ambunoi kalenna.

PANGNGEBARANG 13:20

Tau assileporanga siagang tau cara'deka, la'jari cara'deki; tau assileporanga siagang tau toloa, lacilakai.

PANGNGEBARANG 3:14

Lompoangngangi passawallanna kala passawallang pera' nagappaya, siagang lompoangngangi anggaranna na bulaenga.

PANGNGEBARANG 3:3

Paralluko tuli tappa' siagang tamamminraya mae ri Allata'ala siagang mae ri parannu tau. U'rangi anjo kammaya siagang boliki ri pa'mai'nu,

PANGNGEBARANG 8:34

Mate'nei tau mappilangngeria ri nakke tunggala' alloa ammempo antayanga' ri pakke'bu' ballakku, tuli a'jaga-jagaya ri pakke'bu' lompona pammantangangku.

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

PAOLE 33:9

Tamamminrayai ri Katte la'biangngang namaraengannaya, la'biangngang na tau toa siagang bija pammanakanna. Naturuki ke'nanga parenta-parentaTa, narupai ke'nanga parjanjianTa.